Monday, December 10, 2018

ජනාධිපතිවරයාගේ සමනල් කතාවෙන්ර රටට හෙලි වුන ඛේදවාචකය

අපේ ලිපි වලින් කලක් තිස්සේ අවධාරණය කරනු ලැබුවේ වසර 2015 ජනවාරි 8 වන දින මෙරට රාජ්‍ය බලය ජාතිකත්ව කඳවුරෙන් විජාතික කඳවුරට මාරු වූ බවයි. එදා ඒ වරද කිරීමට ඉත්තකු ලෙස දැනුවත්ව හෝ නොදැනුවත්ව ක්‍රියා කළේ වත්මන් ජනාධිපතිවරයාම වේ. එතුමා විසින් රනිල් වික්‍රමසිංහ අගමැතිවරයා ලෙස පත් කළ පසු රනිල් රටේ ජතික ආර්ථිකය, ජාතික ආරක්ෂාව ඇතුළු සියළු සමාජ සංස්කෘතික හර පද්ධතීන් වනසමින් ජාතික හතුරු  බලවේග වල උවමනා එපාකම් ඉටු කරමින් සිටියේ එම බලවේග වල මෙරට නියෝජිතයා වෙමින් පමණක් නොව ජනාධිපති මෛත්‍රිපාල සිරිසේන මහතාද තම ග්‍රහනයට නතු කර ගනිමිනි. කෙටියෙන් කියතොත් ජනාධිපතිවරයා අගමැති රනිල්ගේ සිරකරුවෙකු බවට පත් වී සිටියේය.  රනිල් ප්‍රමුඛ විජාතික ගැති දේශපාලන බලවේගය රටට ජාතියට හා පොදුවේ මුළු සමාජයටම කරන දැවැන්ත විනාශය වලක්වමින් ජනාධිපති මෛත්‍රීපාල සිරිසේන මහතා රනිල් වික්‍රමසිංහ අගමැති ධූරයෙන් ඉවත්කර මහින්ද රාජපක්ෂ මහතා අගමැති ලෙස පත්කරනු ලැබුවේත් ඉතාම කාලෝචිත ලෙස හා බොහෝ දුර දක්නා නුවනකින් යුතුවයි. පසුගිය මාසයේ අග සිදු වූ බල පෙරලිය සමග පරාජයට පත් වූයේ ප්‍රධාන වශයෙන් බෙදුම්වාදී ෆෙඩරල් ව්‍යවස්ථා මගඩිය, ජාතික සම්පත් විකුණා ආර්ථිකය විජාතිකකරණය කිරීම, ආගම් විරෝධී නිරාගමිකකරණය හා සමලිංගිකත්වය පිළිගන්වන බටහිර කාන්තා විමුක්තිවාදී වැඩ පිළිවෙලවල් වෙයි. එයිනුත් මෙම ලිපියෙන් උදක්ම බලාපොරොත්තු වන්නේ කෝට්ටේ ජන මහිමය රැලියේදී ජනාධිපති මෛත්‍රීපාල සිරිසේන මහතා කී සමනල් කතාවෙන් හෙළිවන කරුණු කාරනා කීපයක් ගැන වැඩි දුර අවධානය යොමු කිරීමයි. එය පැහැදිලිව බැඳී ඇත්තේ පෙර සඳහන් කළ කාරනා හතරෙන් අවසන් කාරනාව සම්බන්ධවය.
                               
 පසුගිය ඔක්තෝබර් මස සිදු වූ බල පෙරලියත් සමග රාජ්‍ය බලය නැවතත් විජාතික හතුරු කඳවුරෙන් ජාතිකත්ව කඳවුර වෙත මාරු වී තිබේ. දැන් විජාතික කුමන්ත්‍රණකාරී වැඩ පිළිවෙලවල් පසුබැස තිබේ. රනිල් වික්‍රමසිංහ බලගැන්වූ හොර යහපාලන රජය යටතේ මහබැංකු මංකොල්ලය සමගින් ජාතික ආර්ථිකයට හෙන පහරක් වැදුනේත්, හිටි අඩියේ සාලාව අවි ගබඩාව පුපුරා යමින් ආර්ක්ෂක අංශ වල අවි බලය දුර්වල වුනේත්, බුදු දහම රැකගෙන පෝෂණය කිරීම වෙනුවට සියළු ආගම් වලට එරෙහි නිරාගමික සංකල්ප එලියට පැන්නේත්, ෆෙඩරල් ව්‍යවස්ථාව හොර රහසේ ඉදිරියට ඇදුනේත්, බටහිර කාන්තාවාදය බලගැන්වෙන අතරම සමලිංගිකත්වය පෝෂණය කිරීමට අවශ්‍ය වැඩ කටයුතු සිදු වුනේත් අහම්බයකින් නොවේ. ඒ විජාතික සතුරු කඳවුරේ සැලසුම් වලට අනුවය. මෙය අපේ එක අතකින් අපේ රටට පමණක් තිබේන තර්ජනයක් නොවේ. විවිධ රටවල අභ්‍යන්තර ප්‍රජාවන් අතර සාමූහිකත්වය බිඳ වැට්ටවීම, පුද්ගල ආත්මාර්ථකාමීත්වය වර්ධනය කිරීම, රට රටවල ජාතිකත්වයන්ට එරෙහිව එම රටවල සුළුතර ජනකොටස් මෙහෙයවීම ස්වයංපාලන උමතුවක් ඇති කරවීම, බෙදුම්වාදය පෝෂණය කිරීම, සදාචාරපද්ධතීන් බිඳවැට්ටවීම, නිරාගමිකකරණය, කාන්තා විමුක්තිය හා සමලිංගිකත්වය ප්‍රවර්ධනය කිරීම යන දේවල් ජාතිකත්වයන්ට එරෙහි ඊනියා ජාත්‍යන්තර එකමුතුවේ නවතම බලහත්කාරී වැඩපිළිවෙලවල් වල එකතුවයි. රනිල් ප්‍රමුඛ එක්සත් ජාතික පක්ෂය බලවත් වූ පසුගිය රජය දියත් කර තිබුණේ මේ විජාතික සැලසුම් විය. ඒ රනිල් යනු මේ වැඩපිළිවෙල ක්‍රියාත්මක කිරීමට  විජාතික බලවේග වෙනුවෙන් මෙරට සිටින නියෝජිතයා වන බැවිනි.
                         
 බල පෙරලියෙන් පසුව කෝට්ටේ පැවති ජන මහිමය රැලියේදී ජනාධිපති මෛත්‍රීපාල සිරිසේන මහතා විසින් කළ කතාවෙන්ද රටට අනාවරනය වුනේ එතුමා රටේ නායකය හැටියට විජාතික ගැති රනිල් සමග කොපමණ මානසික පීඩනයකින් කටයුතු කරන්නට ඇත්ද යන වගයි. මෛත්‍රීපාල සිරිසේන මහතා රනිල් විසින් රටේ ආර්ථිකය, ජාතික ආරක්ෂාව, සමාජ සංස්කෘතික හර පද්ධතිය වනසන අයුරු කෙටියෙන් නමුත් පැහැදිලිව රට හමුවේ ගෙන හැර පෑවේය. දැන් යොමු විය යුත්තේ ලිපියේ මාතෘකාවට තුඩුදුන් කතාව හා ඒ වටා ඇති කරුණු කාරනා ගැනයි. ජනාධිපතිවරයා කියා සිටියේ රනිල් වික්‍රමසිංහ සමනල් ජීවිතයකට ඇතුල් වී සිටි බවත් ඔහු අගමැතිව සිටි සමයේ රට ගැන සියළු තීන්දු තීරණ ගනු ලැබුවේ ඔහු සහ ඔහු වටා සිටි සමනල් රැල විසින් බවත් යන කාරනායි. මෙහි ඇති හාස්‍යජනක බව ඉක්මවා යන වෙනත් කාරනා තිබේ. ඊනියා ජාත්‍යන්තරයෙන් බලගැන්වෙන විජාතික බලවේග විසින් රට රටවල ජාතිකත්වයන් දුර්වල කිරීමට යොදා ගන්නා එක් ප්‍රභලම අවියක් වන්නේ කාන්තාවිමුක්තිය හා සමලිංගිකත්වයයි. ලංකාව වැනි රටවල සමලිංගිකත්වයට පිළිගැනීමක් ලබාදීම සඳහා මුල් පියවර වශයෙන් රටේ ජන සමාජය ලිංගික වශයෙන් ව්‍යාකූල කිරීමට විවිධ උප්පරවැට්ටි යෙදෙන්නේ සැලසුම්සහගතවය. බටහිර කාන්තා විමුක්තිවාදී ව්‍යාජනයන් මීට මැනවින් පිටු බලයක් ලබා දේ. එසේනම් ජනාධිපතිවරයාගේ කතාව තුල ඇති බිහිසුනු සත්‍ය තේරුම් ගැනීමට තවත් ප්‍රමාද වියයුතු නොවේ. රනිල් ප්‍රමුඛ සමනල් රැල විජාතික කඳවුරේ ප්‍රමුඛ පෙලේ නියෝජිතයන් ලෙස මෙරට ජන සමාජය ලිංගිකව ව්‍යාකූල කර සමලිංගිකත්වයට පිළිගැනීමක් ලබා දීම දක්වා සැලසුම් සහගත ගමනක් යමින් සිටියෝය. ජනාධිපතිවරයාගේ කතාවෙන් තහවරු වුනේ එයයි.
                                  
සමනල් රැලේ සාමාජිකයන් නම් වශයෙන් නොකීවද ඔවුන් කවුරුන්දැයි රටම හඳුනති. පැහැදිලි කරුන නම් රැලේ ප්‍රධාන බල කනුව රනිල් වික්‍රමසිංහ යන්නයි. ලිපියෙන් අප උදක්ම අවධාරනය කරන්නේ මේ සමනල් රැලේ ක්‍රියාකාරකම් හා ඒ පසුපස තිබූ විජාතික සැලසුම් ගැනයි. එක් පැත්තකින් ජනාධිපති තුමා පැවසූ පරිදිම රනිල් ප්‍රමුඛ සමනල් රැලට වඩා වැදගත් ව තිබී ඇත්තේ ඔවුන්ගේ විකුර්ති සමනල් ක්‍රියාකාරකම් මිස රටේ ජනතාවට බලපාන සැබෑ ප්‍රශ්න විසඳීම නොවේ. රටේ අනෙකුත් ගැටළු සියල්ල පසෙකින් තිබියදී මොවුන් සමාජය ලිංගිකව ව්‍යාකූල කිරීම හා සමලිංගිකත්වය ප්‍රවර්ධනය කිරීමට අවශ්‍ය වැඩ කටයුතු නම් ලහි ලහියේ කරගෙන ගොස් ඇත. ඔවුන් විසින් බෙදුම්වාදය පිනවීමට සැකසූ නව ව්‍යවස්ථාවටද සමලිංගිකත්වය නීත්‍යානුකූල කිරීමේ වගන්ති ඇතුලත්ව තිබෙන්නට බොහෝ ඉඩකඩ තිබුණි. වරක් එවකට අධිකරණ ඇමතිව සිටි විජේදාස රාජපක්ෂ මහතාට සමනල් රැල විසින් සමලිංගිකත්වය නීත්‍යානුකූල කිරීමට අවස්ථා ගනනාවකදී  බලපෑම් කළ ආකාරය ඒ මහතා විසින්ම හෙළි කර තිබුණි. ඒ කිසිත් නොකරමින් සමනල් උත්සහයන් සියල්ල පරාජය කිරීම ගැන අප විජේදාස රාජපක්ෂ මහතාට විශේෂයෙන් ස්තූතිවන්ත විය යුතුය. වඩා භයානක වැඩ කටයුත්තක් ලෙස කල එළි බැස තිබුණේ සමලිංගිකත්වය සාධාරණීකරනය කිරීමට සැකසූ වැඩසටහන් පාසල් අධ්‍යාපනය තුලට රිංගවීමට පරීක්ෂණ මෙහෙයුම් සිදු කිරීමයි. සමනල් සාමාජිකයෙකුට අධ්‍යාපන ඇමති කම ලබා දී තිබුණේ හේතුවක් නැතිව නොවේ. ඒ හේතුව කුමක්දැයි දැන් තහවරු වී ඇත. 
                                   
 සමලිංගිකත්වයට යම් පිළිගැනීමක් ලබා දීමට නම් ඊට අවශ්‍ය පරිදි ජන මනස හැදීමට සමනල් රැලටත් ඔවුන් වටා සිටින විජාතික සතුරු කණ්ඩායමටත් සිදු වේ. එය පාසල් අධ්‍යාපනය හරහා සූක්ෂමව සිදු කිරීම විජාතික සැලැස්මකට අනුව සිදු වූවකි. රාජ්‍ය නොවන සංවිධාන සමග එක්ව සමලිංගික විකුර්ති කාමුකයන්ට කල්ලි ගැසීමට රනිල් ප්‍රමුඛ පහුගිය සමනල් රජය සියළු පහසුකම් සලසා තිබුණි. සම අවස්ථාව, එක සමාන ලෙස සිතීම ආදී රැවටිලිකාර වචන සමගින් පරීක්ෂණ මෙහෙයුම් පාසලත් අධ්‍යාපනයත් තුලින් සිදු කිරීම විජාතික ක්‍රියාකාරකම් වල උච්ච අවස්ථාවක් විය. ඉදිරි පරම්පරාව ලිංගික වශයෙන් ව්‍යාකූල කිරීමටනම් ගැසිය යුතු මනෝවිද්‍යාත්මක ගේම් එක විජාතික හතුරු කණ්ඩායම මෙන්ම මෙරට සමනල් දේශපාලන රැලද හොඳින්ම දනිති. ඔවුන් පාසල් අධ්‍යාපනයට අත ගැසුවේ ඒ සෙල්ලමටය. පාසල් මට්ටමින් ස්ත්‍රී පුරුෂ ලෙස දරුවන්ගේ හැඩගැසීම් ව්‍යාකූල කිරීමේ මෙහෙයුම් දියත් කිරීමට වැඩ කටයුතු යෙදෙමින් තිබුණි. සමනල් අධ්‍යාපන ඇමතිවරයා ඩෙංගු මදුරුවාට මුවා වී පාසල් නිල ඇඳුම වෙනස් කරමින් බාලිකාවන්ට කලිසම් ඇන්දවීමට ගත් මෝඩ උත්සහය ගත් තැනම අසාර්ථක වුනේ රටේම වාසනාවකටය. මීට පෙර ච්න්ද්‍රිකා කුමාරතුංග ජනපතිව සිටි සමයේත් පිරිමි ළමුන්ට සීමා වී තිබූ ක්‍රීඩා ඇතුළු ක්‍රියාකාරකම් බාලිකාවන්ට විවුර්ත කරමින් පුරුෂයින් හා පිරිමි ලිංගිකත්වය අනුකරනය කරන බාලිකාවන් පෙරට ගැනීමටත් එම අභිරුචිය ළමා කල සිට වර්ධනයට් කුහක පිරිමින් ලවා කටයුතු යෙදවීමටත් ක්‍රියා කර තිබුණි. ඒ වැඩකටයුතුද නොනැවතී ඉදිරියට යමින් තිබුනු අතර රනිල් ප්‍රමුඛ පැවති රජය ඊට සමගාමීව සමනල් පිරිමි ක්‍රියාකාරකම් ඉදිරියට ගැනීමට කටයුතු කළේය. එයින්ද නොනැවතී තායිලන්තයෙන් ස්ත්‍රී නැඹුරුවක් ඇති කොල්ලන් (Lady Boys) ගෙන්වීමටද සැලසුම් කර තිබුණි. මේ දෙක එකම කාසියේ දෙපැත්තයි. දෙකෙන් කොයිකත් ව්‍යාදීයක් මිස සමාජයේ ප්‍රගතිශීලී දෙයක් නොවෙයි. අපේ රටට වින කටින පිටස්තර බලවේග ලිංගිකත්වය පදනමට ගනිමින් සමාජය ව්‍යාකූල කිරීමට මනෝවිද්‍යාත්මක ගේම් එක ගහන්නේ මේ සියල්ල ගැන ඉතා හොඳ අවබෝධයකින් මෙන්ම අපේ රටේත් සමාජයේත් දුර්වලකම් ගැනද අනුදැනුමක් සහිතවයි.
                       
 2018 ඔක්තෝබර් මස ජනාධිපතිතුමා විසින් මහින්ද රාජපක්ෂ මහතා අගමැතිවරයා වශයෙන් පත් කර නව රජයක් පිහිටුවීමත් සමග විජාතික සමනල් සැලසුම් සියල්ල කනපිට හැරවිනි. එබැවින් කාලෝචිත ලෙස ජනාධිපතිවරයා ගත් තීරණය සම්බන්ධයෙන් රටට ආදරයක් ඇති සියළු දෙනා එතුමාට ස්තූතිවන්ත විය යුතුය. බ්ටහිර යුදෙවු නිරාගමික නූතනත්වයේ ඊනියා ජාත්‍යන්තර කල්ලියට ලංකාව වැනි ආසියාතික රටවල ජනගහනය ක්සේ හෝ පාලනය කිරීමේ තදබල අවශ්‍යතාවය මෙන්ම ලිංගිකත්වය සම්බන්ධව ඔවුන්ගෙ මතවාද ලෝකයටම බලෙන් පැටවීමේ උවමනාවද වෙයි. ඒ සඳහා ආසියාතික රටවල මෙන්ම බටහිර නොවන වෙනත් රටවලද සමාජයන් ලිංගිකව ව්‍යාකූල කර ප්‍රජනනය සීමා කිරීම මේ ජාත්‍යන්තර බලවේගයේ එක් සැලැස්මකි.  අපේ රට තුලත් බෙදුම්වාදයට සමගාමීව හිස ඔසවන අනෙක් පිල්ලි අතරින් ප්‍රධානම තැනක් ගන්නේ කාන්තා විමුක්තිය හා සමලිංගිකත්වයයි. විවිධ ගැටළු වලට මුහුණපාන ලොව වෙනත් තැන් වලද මේ තත්වයේ වෙනසක් නැත. අද බෙදුම්වාදී උත්සහයන් අප රට තුල නැවත පල්ලම් බැස ඇත. බල පෙරලිය සමග නිරාගමික සංකල්ප හා වෙනත් සදාචාර විරෝධී ක්‍රියා මෙන්ම අප මෙතෙක් සඳහන් කළ සමලිංගික කාන්තා විමුක්ති වැඩ පිළිවෙලවල්ද ඇනහිටියේය. එබැවින් ජනාධිපතිවරයා රටත් ජාතියත් බේඅරා ගත්තේ විජාතික මකර කටින් බව අමුතුවෙන් කිව යුතු නැත. රනිල්ගේ ආණ්ඩුවෙන් සැලසුම් කර තිබූ තවත් පිල්ලියක් මේ අවස්ථාවේ මතක් කළ යුතුය. ඒ පිරිමින්ට පමණක් සීමා වන විවිධ රැකියා වලට කාන්තාවන් ඇතුලත් කර බටහිර කාන්තාවාදය බල ගැන්වීමට තිබූ සැලැස්මයි. ඊට අනුග්‍රහය දැක්වීමට ප්ලෑන් ඉන්ටර්නැෂනල් ඕස්ට්‍රේලියා නම් NGO කල්ලියක් සූදාමින් සිට ඇත. දිගුකාලීනව සමාජය ලිංගික වශයෙන් ව්‍යාකූලත්වයකට පත් කිරීමේ හා සමලිංගිකත්වයට ඉදිරි පරම්පරාවල් නැඹුරු කිරීමේ රැවටිලිකාර හා රහසිගත කුමන්ත්‍රණ වලට බටහිර කාන්තාවාදයද නැතුවම බැරි දෙයකි. එබැවින් ජාතික අනතුරු කල් තියා හඳුනා ගත හැකි රටට ආවේනික ලෙස හිතන පතන බුද්ධිමත් පිරිසකගේ මගපෙන්වීම යටතේ මෙවැනි පිල්ලිද සහමුලින් අතුගා දැමීමට දේශීය චින්තනයක් ඇති ජනාධිපතිවරයා ප්‍රමුඛ නව රජය පියවර ගන්නේනම් ඉතා යහපත් වේ. අවසන් වශයෙන් තව දෙයක් කිව යුතුයි. ඒ ජනාධිපතිවරයාගේ සමනල් කතාවෙන් කෝපයට පත් පැවති රජයේ අනුග්‍රහයෙන් අටවාගෙන තිබූ සමලිංගික සංවිධාන වල හා ඔවුන්ගේ අනෙකුත් සහචරයන්ගේ මැසිවිලි නොතකා මේ කල්ලි තහනම් කර දමා ඊට අනුබල දුන් සියල්ලන්ට එරෙහිව කටයුතු කිරීමද අනිවාර්ය දෙයක් බවයි.
ජනාධිපතිතුමා UNP සමනල් වැඩ පිළිවෙල රටට හෙලි කළ වීඩියෝ දර්ශනය 

විශේෂ ලියුම්කරු

Saturday, August 11, 2018

කාන්තාවාදයේ ව්‍යාජනයන්ට හංගේරියාවෙන් කනේ පාරක්


හංගේරියානු අධ්‍යාපන බලධාරීන් විසින් " ස්ත්‍රී පුරුෂ සමාජභාවය අධ්‍යනය " විෂය එරට උසස් අධ්‍යාපන ආයතන හා විශ්ව විද්‍යාල වලින් ඉවත් කර තිබේ. එරට අධ්‍යාපන බලධාරීන්ගේ අදහස වී තිබෙන්නේ විෂයන් විද්‍යාත්මක සහ තර්කානුකූල බවකින් යුතුව තිබියයුතු විනා මතවාදී පදනම පමණක් නොතිබිය යුතු බවයි. බටහිර කාන්තාවාදය, මාක්ස්වාදය ආදිය විද්‍යාත්මකවත් තාර්කිකවත් නොවන්නා සේම හුදෙක් මතවාදී බලහත්කාරය පමණක් ගැබ්ව තිබේ. බටහිර රටවලට පවා දැනෙන මේ කුහක මතවාද වල නොවටිනාකම ආසියාතික රටවල පුහු උගත් බටහිර මතවාදී වහලුන්ට තවත් තේරුම් ගොස් නැත. ආසියාතික රටවල පුහු උගතුන් මේ ගොන් මතවාද අධ්‍යාපනයට ඇතුල් කර ගැනීමට වෙර දරන්නේ හුදු මෝඩ අනුකාරකත්වය මත මිස වෙන කිසිවක් නිසා නොවේ.

පහත ලින්ක් එක උපයෝගී කරගෙන සම්පූර්ණ ලිපිය කියවන්න.

https://www.breitbart.com/london/2018/08/10/hungary-discontinues-gender-studies-programs-ideology-not-science/

Saturday, August 4, 2018

කාන්තා විමුක්ති උමතුව වැසිකිලියටත්


කාන්තා විමුක්තිවාදී පිස්සු තර්ක හා ප්‍රායෝගික නොවන අමනෝඥ්ඥ මතවාද ලෝකයේ විවිධ දෑ ඉලක්ක කරමින් පැතිර යයි. මේ වන විට දැනගන්නට ඇත්තේ රටවල් ගනනාවක වැසිකිලි වලටත් කාන්තා විමුක්ති උමතුව රිංගා තිබෙන බවයි. මෙමේ වීඩියෝවේ  සියල්ල විස්තර සහිටව දැක්වේ. කාන්තා විමුක්තු කුහක උන්මත්තකයන්ට පිරිමි වැසිකිලි වල මූත්‍රා කිරීමට සකස් කර තිබෙන කැසිකිලි පෝච්චියද ඉවත් කිරීමට අවශ්‍ය වී ඇත. ඒ ඊට හෝතු ලෙස දක්වන සොඋඛ්‍ය ගැටළු නොවන්නේ මූත්‍රාශයේ ආසාදන පිරිමින්ට වඩා කාන්තාවන් අතර බහුල බැවින්. වීඩියෝව මුල සිට අගට බලා එහි පෙන්වාදෙන කාරනය සවන් යොමුකර අසා සිටින්න.

Monday, January 29, 2018

25% කාන්තා නියෝජනය හා විජාතික සැලසුම්

වර්ෂ 2015 ජනවාරි 8 මෙරට රාජ්‍යබලය ජාතිකත්ව හිතවාදී පාර්ශවයේ සිට විජාතික ගැති ජාතික සතුරු පාර්ශවයට හිතවත් කඳවුර වෙත මාරු වූ පසු ජාතික බලවේග පසුබසින අතර විජාතික බලවේ යම් යම් ජයග්‍රහණ මේ වන විට අත් කරගෙන ඇත. බෙදුම්වාදය නැවතත් ශක්තිමත් වීම මෙලෙස අප කවුරුත් හොඳින් අත්දකින ලද එක් දෙයකි. එහෙත් විජාතික සැලසුම් ක්‍රියාත්මක වන්නේ දෙමළ ජාතිවාදය පදනම් කරගත් බෙදුම්වාදය පැත්තෙන් පමණක්ම නොවේ. ඊලාම් බෙදුම්වාදය විජාතික කුමන්ත්‍රණ වල එක් සංරචකයකි. මේ විජාතික කුමන්ත්‍රණ වල මූලය මේ වන විට යුදෙවු නිරාගමික නූතනත්වය මත පදනම් වන සංස්කෘතික හා මතවාදී ආක්‍රමණයයි. ඉන් පරිබාහිරව සුන්නි මුස්ලිම් ව්‍යාප්තිවාදී ආක්‍රමණයටද මේ වන විට රට ගොදුරු වෙමින් තිබේ. කෙසේ වෙතත් එය දීර්ඝ ලෙස සාකච්චා කළ යුතු බැවින් ඒ ගැන වෙනම කතා කිරීමට අපට සිදු වේ. මේ ලිපිය ලියන්නේ යුදෙවු නිරාගමික නූතනත්වයේ මතවාදී හා සංස්කෘතික ආක්‍රමණයේ බෙදුම්වාදයට අමතර අනෙක් සංරචක ගැන මතක් කර දීමට හා ජාතියේ අවධානය යොමු කරවීමටය. ඉන් ප්‍රධාන එකක් නම් සමාජය විසංවිධානය කිරීම හා පුද්ගල ආත්මාර්ථකාමීත්වය මත ප්‍රජාවන්හි මිනිසුන් අතර ඒකාබද්ධතාවය නැතිකිරීමයි. තවත් එකක් නම් සමාජය ලිංගික වශයෙන් ව්‍යාකූල කිරීම හා ලිංගික බහුරූපිකත්වයක් බලෙන් ඇති කිරීමයි. මීට අමතරව පාරිසරික වටිනාකම් නොතකා සංවර්ධන ව්‍යාපෘති කිරීමට අනුබල දීම ආදිය ඇත. මේ සියල්ල බෙදුම්වාදයෙන් පරිබාහිරව ඇතත් බෙදුම්වාදය සමග එකට ක්‍රියා කරන ආකාරය කවුරුත් දැක තිබේ.
                       

කෙසේ වෙතත් මේ කරුනු වලින්ද ලිපියෙන් වැඩි අවධානයක් යොමු කරන්නේ පෙර කී සමාජය ලිංගික වශයෙන් ව්‍යාකූල කිරීමේ හා ලිංගික බහුරූපිකත්වයක් බලෙන් ඇති කිරීමේ විජාතික වැඩපිලිවෙල ගැනයි. මෙය සැබවින්ම කතා කිරීමට සංකීර්ණ දෙයකි. නමුත් මේ ලිපිය තුලින් අප උත්සහ කරන්නේ මේ වැඩ පිළිවෙලෙහි විකාශය, බටහිර සමාජයටම මේ තුලින් කර ඇති හානිය, යුදෙවු නිරාගමික මතවාදී හා සංස්කෘතික ආක්‍රමණය හරහා ලොව අනෙකුත් රටවලට කරන බලපෑමත් අපේ රටට මෙය ක්‍රමයෙන්  රිංගා කාලයත් සමග වර්ධනය වී අනාගතයට කොඩිවිනයක් වන ආකාරයත් අවසාන වශයෙන් මෙයින් ගැලවීමේ වැඩ පිලිවෙලත් ගැන කෙටියෙන් සාකච්ඡා කිරීමය. බටහිරදී රෝමානු කතෝලික චින්තනය බිඳවැටී විශේෂයෙන් දෙවන ලෝක යුද්ධය අවසන් වන විට පෙරමුණ ගත් යුදෙවු චින්තන ධාරාව තුල යුදෙවු පිරිමින්ගේ සමාජීය කුහකත්වයන්ද පෙරමුණ ගත්තේය. නූතනත්වය ගැන කතා කල මුල් කාලයේ ලිංගික නිදහස ගැන මතවාද සොබාදහමට එකඟව ඉදිරියට පැමිණියත් පසුව කාන්තාවාදය කරලියට එන්නේ යුදෙවු පිරිමින්ගේ කුහකකම් හා මිනිස් අවශ්‍යතා මත සොබාදහම කනපිට ගැසීමේ මනෝ ව්‍යාධිය එකට එක්වයි. මිනිස් ලිංගිකත්වය වටා බැඳුනු දේ ස්ව්භාවයට අනුව ඉදිරියට විකාශනය වන ක්‍රමයක් තිබේ. යුදෙවු පිරිමින්ගේ සමාජීය කුහකත්වයන්ට හා යුදෙවු චින්තනයට මෙයද දිරවාගත නොහැක.
                         
සොබාදහමේ සමතුලිතතා බිඳවට්ටමින් කාර්මික විප්ලවය සමග ඉදිරියට ආ සංවර්ධන සංකල්පය, ලිබරල්වාදය හා නූතනත්වයේ මතවාද වලට සමගාමීව මිනිස් ලිංගිකත්වයේ ස්වභාවය නොරුස්සන කුහක මතවාද පැන නගින්නේ මූලික වශයෙන් කාන්තාවාදය අරටුව කරගනිමින්ය. ස්ත්‍රි පුරුෂ භාවය යනු එකකට එකක් සමරූපී වන දෙයක් සේම ලිංගිකත්වය අනුව පෞරුෂත්වය හා ස්ත්‍රීත්වය අතර සමබරතාවය වැදගත් වනවා මිස කාන්තාවන්ට පිරිමින් කරන සියල්ල ඒ අයුරින් කළ හැකිද නැද්ද යන්න කිසි විටක මිනිස් සංහතියේවත් ජෛව ලෝකයේවත් යහ පැවැත්මට තීරනාත්මක ලෙස බලපාන්නේ නැත. එහෙත් යුදෙවු චින්තනයෙන් ගලා එන කාන්තා විමුක්තිවාදයට අනුව ස්ත්‍රී පුරුෂභාවය එකිනෙක සමරූපී වීම ඇතුළු ලිංගිකත්වයේ සමස්ථ ස්වභාවයම කාන්තාවන්ට වදයකි. ඊට අනුකූල ලෙස ක්‍රියා කිරීමද කාන්තාවන්ට සිදුවන අසාධාරණයක් වේ. බටහිර යුදෙවු කුහක පිරිමින් වැඩි දෙනෙකුගේ සිතීමේ රටාව අනුව කාන්තාවන්ගේ ප්‍රගතිය හා ලෝකයේ දියුණුව වෙනුවෙන් මේ ස්වභාවයට එරෙහිව කටයුතු කළ යුතුය. පිරිමියා විසින් තම  පෞරුෂත්වයට හා ලිංගිකත්වයට සමරූපී මෙන්ම එහි ප්‍රතිවිරුද්ධ ලිංගිකත්වය පදනමට ගෙන කාන්තාවන් හඳුනා ගැනීමද බටහිර යුදෙවු පිරිමින්ගේ කුහක නිර්මාණයක් වන කාන්තාවිමුක්තිවාදය අනුව වැරදිය. එලෙසම පිරිමියාගේ පෞරුෂත්වයටත් ලිංගිකත්වයටත් සමරූපී ලෙස කාන්තාවන්ට ස්වභාවිකව පිහිටන ස්ත්‍රීත්වය හා ස්ත්‍රී ලිංගිකත්වය නියෝජනය කිරීමට බාධක පැමිණවීම නූතනත්වයේ හා ප්‍රගතියේ නාමයෙන් කළයුත්තකි. හැකිනම් පිරිමි ලිංගිකත්වයට සමරූපී ස්ත්‍රීත්වය හා ස්ත්‍රී ලිංගික ස්වභාවය ආයාසයක් ගෙන හෝ තුරන් කර කාන්තාවන් මානසිකවද පුරුෂකරණය  කළ හැකිනම් මේ ඊනියා කාන්තා විමුක්ති සමතැන්වාදීන්ට අනුව එය කාන්තාවන්ගේ විශාල ජයග්‍රහණයක්ද වේ. මේ ක්‍රියාවලියේදී සමලිංගිකත්වයට පිළිගැනීමක් ලබා දීම හා ඊට අනුබල දෙන අනෙකුත් සාධක තව තවත් ප්‍රවර්ධනය කිරීමද කාන්තා විමුක්තිවාදීන්ට වැදගත් වෙයි.
                              

  
මුලදී වික්ටෝරියා සම්ප්‍රදායන්ට එරෙහිව යම් මට්ටමකට ලිංගිකත්වයේ ස්වභාවය මත පිහිටා ලිංගික නිදහස ගැන සංවාද ඇති වූ යුරෝපය තුල පසුව කාන්තා නිදහස පිරිමි ලිංගිකත්වයට එරෙහිව මෙහෙයවීමේ කුහක උමතුවක් වර්ධනය වුනි. " කාන්තාවන් පුරුෂයාගේ කාම වස්තූන් නොවේ", " කාතාවන් සිටින්නේ පිරිමියාගේ ළමයි වැදීමට නොවේ " ආදී සටන්පාඨ කාන්තා විමුක්ති සංවිධාන අතර ජනප්‍රිය වීමට පටන් ගත් අතර සමලිංගිකයන් ඇතුළු ව්‍යාකූල ලිංගික හැසිරීම් ඇති පිරිස්ද මේ වටා ශීඝ්‍රයෙන් එක් විය. ලිංගිකත්වය ගැන කුහක අදහස් ඇත්තවුන්ට ලිංගිකත්වයේ ස්වභාවයට පවා එරෙහි ද්වේශසහගත අදහස් වැපිරවීමට කාන්තාවිමුක්තිවාදය කදිම තෝතැන්නක්ද විය. තම ලිංගික ආශ්වාදය සඳහා සුරූපී ගැහැනුන් අවශ්‍ය වෙද්දී ලිංගික කටයුත්තෙන් පසුව කාන්තාවන්ගේ පෞරුෂය හා හපන්කම් ගැන උදම් අනන කුහක පිරිමින් මේ සියළු කටයුතු වල පෙරමුණ ගත්තෝය. මේ ක්‍රියාදාමයෙහි එක් විශේෂත්වයන් වූයේ කාන්තාවිමුක්තිවාදීන් පිරිමියාගේ කුහකත්වයන් ලෙස හඳුන්වන යම් ගති ලක්ෂණ ඔවුන්ගේම කාන්තා විමුක්තිවාදී මතවාදයන්හි පැවැත්මට අත්‍යවශ්‍ය කාරනා වී තිබීමයි. වික්ටොරියා සදාචාර විරෝධී ලිංගික නිදහසේ මතවාද තුලින් දුර්වල වූ බටහිර සමාජයේ පවුල් සංස්ථාව කාන්තා විමුක්තියේ වෛරී මතවාද සමග තව තවත් විනාශවී ගියේය. පවුලේ පියා ගැනත් පීතෲත්වය ගැනත් ද්වේශසහගත මතවාද ඉතා සූක්ෂමව යුරෝපය තුල සමාජගත වන්නේ මේ අතරතුරයි. විෂමලිංගික පුරුෂයා සහ පුරුෂ ලිංගිකත්වය ඉලක්ක කර ද්වේශසහගත අන පනත් හරහා හුදෙක් වෛරය පිරිමැසීමේ නීති රීති සකස් කිරීම මේ සූක්ෂම ක්‍රියාදාමයේ අනෙක් පියවර විය. ලිබරල් ප්‍රජාතන්ත්‍රවාදය, මානව හිමිකම් කාන්තා අයිතීන් ළමා අයිතිවාසිකම් ආදිය හරහා සාමූහිකත්වය බිඳී ගිය පුද්ගල ආත්මාර්ථකාමීත්වය ඉස්මතු වූ බටහිර සමාජය මේ සියල්ලට ආශිර්වාදයක් වී තිබුණි. සමලිංගිකත්වය පිලිගැනීමට ලක්කර නීතිගත කිරීම, සමලිංගික විවාහ අනුමත කර නීතිගත කිරීම හා සමලිංගිකයන්ට දරුවන් දරුකමට හදා ගැනීමට ඉඩකඩ විවර කිරීම මේ ක්‍රියාදාමයේ ජයග්‍රාහී පියවරක් ලෙස ඉදිරියට පැමිණි අතර දැන් බටහිර සමාජයේ ලිංගික ව්‍යාකූලත්වය හරහා විවිධාකාර විකුර්ති කාමුකයන් උවමනාවෙන් බිහිකිරීම දක්වා මේ කිරියාවලිය ඉදිරියට ඇදී ගොස් තිබේ. බටහිර දේශපාලනය තුල සම්පත් බෙදී යෑම හා පරිභෝජන ගැටළු වලට පමණක් ප්‍රමුඛත්වය දෙන මාක්ස්වාදී වමේ දේශපාලනයද මීට සහයට සිටියේය.
                              
         
  බටහිර යුදෙවු කාන්තාවිමුක්තිවාදය යනු මේ වන විට නීතිමය රැකවරනය යටතේ සමාජ කුහකත්වයන්හි පිහිටෙන් මිනිස් ප්‍රජාවේ යහපත් පැවැත්මට අනිවාර්ය ලෙස තිබිය යුතු ගුණාංග වනසන කොඩිවිනයක් වී තිබේ . මෙය මුලින්ම වින කළේ බටහිරටමයි. බටහිර ලෝකයේ මේ වන විට ජාතිකත්වයන් පවා දුර්වලය. ඒ වෙනුවට ඇත්තේ ජාත්‍යන්තරවාදයකි. කාන්තාවිමුක්තිවාදය හා සමලිංගික පක්ෂපාතී බව ඒ තුල ඇත. මේ වන විට බටහිර බොහෝ රටවල පවුල් සංස්ථාව විනාශ වී ඇත. කාන්තාවාදය අනුව යමින් හදන පියා නොමැති පවුල් තුලින් දිනෙන් දින මානසික අසමබර ව්‍යාකූල ලිංගික චර්යා ඇත්තන් බිහිවේ. සමලිංගිකයන් පවුල් කමින් දරුකමට හදාගන්නා දරුවන් අනාගත සමලිංගික විකුර්ති කාමුකයන් බවට පත් කරති. ඇතැම් රටවල අසාධාරණ කාන්තාවාදී නීති නිසා පිරිමින් වැඩි දෙනෙකු නීත්‍යානුකූල විවාහ කර නොගනිති. දිනෙන් දින විෂමලිංගික වැඩිහිටි පුරුෂයා සහ පුරුෂ ලිංගික ස්වභාවය ඉලක්කකර වෛරී නීති සම්පාදනය හා දැඩි කිරීම සිදු වේ. පියාගෙන් දරුවන් ඈත් කිරීමට හා විෂමලිංගික වැඩිහිටි පුරුෂයා කෙරෙහි කුඩා දරුවන් අතර ද්වේශය ඇති කිරීම ඉතා සූක්ෂමව සිදු වෙමින් පවතී. ඒ අතරම සිදුවන අනෙක් සිද්ධිය නම් ස්ත්‍රී පුරුෂ දෙපාර්ශවයේම සමලිංගිකයනට සිත් සේ බාල වයස්කරුවන් විකුර්ති කාම අපචාර වලට යොමු කිරීමට ඉඩ කඩ විවර කිරීමයි. පිරිමි දරුවන්ට ස්ත්‍රී ලිංගික අනුකරනයන් හුරු කිරීම හා ගැහැනු ළමුන් තුල පෞරුෂත්ව වර්ධනය හරහා ලිංගිකත්වයේ ස්වභාවයට ප්‍රති විරුද්ධ ක්‍රියාකාරකම් ( Transgender ) කුඩා කල සිට වර්ධනය කෙරේ. අද වන විට ජීව විද්‍යා දැනුම අවියක් කර ගනිමින් ලිංගිකත්වයේ ස්වභාවය උවමනාවෙන් මිනිස් කුහකත්වයන් මත විකුර්ති කර දැමීම බටහිර ඉතා සරුවට සිදු වෙමින් පවතියි. මේ සියල්ලෙන් පවුල හා ප්‍රජනනය දුර්වල වීමත් සමග ජනගහනය පරම්පරාවෙන් පරම්පරාවට අඩු වීම හරහා බෝහෝ බටහිර රටවල ශ්‍රම බලකායද අඩුය. ඒ රටවලට විදෙස් ශ්‍රමිකයන් වැඩි වශයෙන් අවශ්‍ය වීමට හේතු වී ඇත්තේද මෙයයි. මේ විදෙස් ශ්‍රමිකයන් අසල්වැසි සුන්නි අන්තවාදය පැතිරුනු මුස්ලිම් රටවලින් වැඩිපුර පැමිණීමද ඔවුන්ටම ජාතික ගැටළුවක් වී ඇත. මේ වන විට බටහිර රටවල තවත් එක් ප්‍රවණතාවයක් වී තිබෙන්නේ රාජ්‍ය අනුග්‍රහයෙන් වර්ධනය කරන කාන්තාවිමුක්තිවාදී වෛරී ක්‍රියා වලට විකල්පයක් ලෙස එම රටවල පිරිමින්ගෙන් යම්කිසි කොටසක් ඉස්ලාමය වැලඳ ගැනීමයි. එම රටවල මුස්ලිම් ව්‍යාප්තිය ශක්තිමත් වීමට හා සුන්නි ත්‍රස්තවාදී ක්‍රියාකාරකම් මැඩලීම අපහසු වීමටද මෙය වක්‍ර හේතුවක් වී තිබේ.
                              
          
   බටහිර රටවල ජාතිකත්වයන් දුර්වල වී ජාත්‍යන්තරවාදය ශක්තිමත් වීමත් යුදෙවු චින්තනය පෙරමුණ ගැනීමත් සමග පැරණි යටත් විජිතවාදයද යුදෙවු  නිරාගමික මතවාදී හා සංස්කෘතික ආක්‍රමණය පෙරටු කරගත් නව මුහුණුවරක් ගෙන තිබේ. පැරණි යටත් විජිතවාදයෙන් ලොව බොහෝ රටවල බිහි වී සිටින අනුකාරක පරම්පරාවල් හරහා කාන්තාවිමුක්තිවාදය වැනි බටහිර පැන නැගුණු මතවාද රටවල් මතවාදීව ආක්‍රමණය කරමින් ඇත. අපට වැදගත් වන්නේ මේ මතවාදය අපේ රට ආක්‍රමණය කරන අයුරු තේරුම් ගැනීමයි. මෙ බටහිර කාන්තාවිමුක්තිවාදය ගැන තොරතුරු රට තුලට පැමිණ තිබුණද මෙය රාජ්‍ය අනුග්‍රහයෙන් මුල් වරට ස්ථාපිත කළේ ජේ. ආර්. ජයවර්ධන ජනාධිපතිවරයාගේ පාලන කාලයේයි. කෙසේ වෙතත් රට තුල මේ මතවාදී ආක්‍රමණය සිදු වූයේ ඉතා මන්දගාමීවයි. ඊට හේතුව බෞද්ධ සමාජ පරිසරය තුල මාතෘත්වය හා පීතෘත්වය වැඩි ඇගයීමකට ලක්ව තිබීම හා ස්ත්‍රී  පුරුෂ භාවයේ එකිනෙක සමරූපී බව හා සමබරතාවය කෙරෙහි බෞද්ධ සමාජයේ තිබෙන සංවේදී බවයි. කෙසේ වුවත් 1960 ගනන් හා 70 ගනන් වල බිහි වූ බටහිර අනුකාරක උගතුන් විසින් බුදු දහමට හා සිංහල ඉතිහාසයට බටහිර කාන්තාවිමුක්තිවාදී  සංකල්ප වැරදියට ආදේශ කර තිබීමෙන් මෙරට නාගරික අනුකාරකයින් අතර මේ මතවාදය යම් මට්ටමකට ජනප්‍රිය වී තිබුණි. එහෙත් මෙය රාජ්‍ය අනුග්‍රහය යටතේ න්‍යායත්මකව මෙන්ම සවිඥ්ඥානිකව රටේ බලෙන් ස්ථාපිත කිරීමට උත්සහ ගනු ලැබුවේ චන්ද්‍රිකා කුමාරතුංග මෙරට ජනාධිපතිනිය වූ සමයේයි. චන්ද්‍රිකා කුමාරතුන්ගට මෙරට වාමාංශික හා ලිබරල් කණ්ඩායම් වල සහය ලැබී තිබීමද එම කටයුත්තට රුකුලක් වී තිබී ඇත. එකල රාජ්‍ය නොවන සංවිධාන හා බටහිර රටවල් කාන්තාවිමුක්තිවාදී වෛරී නීති ස්ථාපිත කර ක්‍රියාත්මක කිරීමට රජයට විවිධ බලපෑම් කළද මෙරට සමාජය තුල ඒ කිසිත් ප්‍රායෝගික නොවීම ඔවුන්ගේ පසුබෑමට  හේතු වී තිබුණි. චන්ද්‍රිකා පාලනයෙන් පසු එළඹි මහින්ද රාජපක්ෂ ජනාධිපතිවරයාගේ පාලන කාලය තුල කොටි පරාජය ඇතුළු ජාතිකත්වයේ ජයග්‍රහන රැසක් අත් කර ගත්තද යුධ ජයග්‍රහණයෙන් පසු කළ යුතුව තිබූ යම් අත්‍යවශ්‍ය කාර්යන් වලට වඩා සංවර්ධන න්‍යායන් මත කටයුතු කිරීම නිසා ජාතික මතවාද වලට ජය ගැනීමට නොහැකි විය. මහින්ද රාජපක්ෂ ජනාධිපතිවරයාද ව්‍යාජ උගතුන්ගේ හා වාමාංශිකයන්ගේ ලනු කෑම තුල විජාතික සංවර්ධන න්‍යායන් සමග බටහිර කාන්තාවිමුක්තිවාදයද සූක්ෂමව ඉදිරියටම ඇදුනි. 2015 ජනවාරි 8න් පසුව විජාතික බලවේග වල නියෝජිතයන් අතටම රාජ්‍ය බලය ලැබී ඇති මේ මොහොතේ බටහිර කාන්තාවිමුක්තිවාදයද විජාතික ආශිර්වාදය මැද ඊලාම් බෙදුම්වාදයට සමගාමී ලෙස විශාල පිම්මක් පැනීමට සූදානම්ව ඇත.
                              
       
විජාතික සතුරු පාර්ශවය හැකි සෑම උත්සහයක්ම ගන්නේ මෙරට සිංහල බෞද්ධ ජාතිකත්වය විනාශ කර දැමීමටයි. බටහිර කාන්තාවිමුක්තිවාදය මේ සඳහා ඔවුන්ට තවත් හොඳ අවියක් බව අමුත්තක් නොවේ. මෙවරද ප්‍රගතිශීලී සහ අහින්සක වෙස් මූණ පැලඳ ඉදිරියට පැමිණ තිබෙන මැතිවරණයේ 25% කාන්තා නියෝජනය අන් කිසිවක් නොව බටහිර කාන්තාවිමුක්තිවාදයේ පෙර කී සියළු අංග රට තුල ස්ථාපිත කිරීම ප්‍රායෝගික කිරීමේ මුල් අදියර ලෙස ක්‍රියාත්මක වන රැවටිලිකාර ක්‍රියා සමුදායයි. මෙය මවු සෙනෙහස පෙරට දමාගෙන ගමට යාහැකි වුවත් තේරී පත්වන කාන්තා දේශපාලන චරිත වලට ඉන් පසුව විජාතික මතවාදී ආක්‍රමණිකයාගෙන් ලැබෙන ඉලක්කය හා උපදේශනය වන්නේ බටහිර කාන්තාවිමුක්තිවාදී අරමුණු වෙනුවෙන් ක්‍රියා කිරීමය. මෙය කෙලින්ම කළ නොහැකිනම් බටහිර යුදෙවු කාන්තා විමුක්තියේ වෛරී ස්වභාවය සඟවා රැවටිලිකාර ලෙස සූක්ෂමව සිංහල සමාජයටත් පොදුවේ රටටත් යුදෙවු කාන්තා විමුක්ති විෂ එන්නත් කිරීමට උපදෙස් ලැබෙනු ඇත. මෙය කලක් තිස්සේ මෙරට විජාතික බලවේග ශක්තිමත්වන සෑම අවස්ථාවකම දෙමළ ජාතිවාදී බෙදුම්වාදයට සමගාමීව හිස ඔසවන අනෙක් ව්‍යාධියයි. කාන්තා විමුක්තිය ව්‍යාජ අනුකාරක උගතුන් විසින් බුදු දහමට වැරදි ලෙස ආදේශ කර තිබීම තුල මෙහි සැබෑ මුහුණුවර හා ව්‍යාධිජනක බව රටට හෙලි කිරීමද ලේසි පහසු කටයුත්තක් නොවනු ඇත. ඉතා සුක්ෂම හා උපක්‍රමශීලී විජාතික මතවාදී ආක්‍රමණිකයා සිය ආක්‍රමණය කිරීමට මෙරට අනුකාරක ව්‍යාජ උගත් රැල මනාවට මෙහෙයවනු නොඅනුමානයි. මේ 25% කාන්තා දේශපාලනය පටන්ගන්නා මුල් අදියරේ ඇතැම් විට විජාතික කාන්තා විමුක්ති මතවාදී ආක්‍රමණිකයා සිය සැබෑ ස්වරූපය කෙසේවත් නොපෙන්වා බෞද්ධ සමාජය තුලින්ම රැවටිලිකාර ව්‍යාජනයන්ට අවශ්‍ය සංකල්ප, ආදර්ශපාඨ ආදිය සොයා ගනු ඇත. බුදුන්වහන්සේ විසින් භික්ෂුණී ශාසනයක් පිහිටවූයේනම්, භික්ෂු භික්ෂුණී උපාසක උපාසිකා ලෙස සිවුවනක් පිරිස බෞද්ධ ප්‍රජාව තුල ඇත්නම් කාන්තාවන් දේශපාලනය කිරීමේ වරදක් නැතැයි ව්‍යාජ උගතුන් බුද්ධිමතුන් කියන්නටද බොහෝ ඉඩකඩ තිබේ. දේශපාලනය තුලට පිවිසෙන කාන්තාවන් බටහිර කාන්තා විමුක්ති ව්‍යාධිජනක මතවාදයෙන් සන්නද්ධ කිරීමට සංචාරක හෝටල් හෝ වෙනත් සම්මන්ත්‍රණ ශාලා වල පිටස්තරයන්ගේ සහබාගීත්වයෙන් වැඩමුළු පැවැත්වීම ආදිය සැලසුම්සහගතව සිදුවනු ඇත.
                              
        
බටහිර යුදෙවු නිරාගමික මතවාදී ආක්‍රමණිකයින් ඔවුන්ගේ ජාත්‍යන්තර එකතුව සමග ලෝකයේ බොහෝ රටවල කාන්තාවිමුක්තිවාදය ප්‍රචලිත කළ ආකාරයට ලංකාව තුල එතරම් සාර්ථකව එම කටයුත්ත කිරීමට අපොහොසත් වී ඇත. හේතුව නම් මෙරට ජන සමාජයේ කාන්තාවන්ට කාන්තාවන් ලෙස ස්ත්‍රීත්වය අනුව සිතීමටත් ක්‍රියා කිරීමටත් අවශ්‍ය නිදහස හා සුරක්ෂිත බව තිබීමයි. ලංකාවේ කාන්තාවන් අති මහත් බහුතරය පිරිමින්ට සමාන ලෙස සිතීමට හෝ පෞරුෂත්වය ආරූඪ කර ගැනීමට කැමැත්තක් නොදක්වති. ලංකාවේ පිරිමින්ද තමන්ට පිරිමි දරුවන් නොසිටියත් ගැහැනු ළමුන් පිරිමි ආරයට හදා ගැනීමට නොසිතති. මවුවරුන්ට ස්ත්‍රීත්වය මත පිහිටා ගැහැනු දරුවන් තමන්ගේ පිළිවෙලට හදා ගැනීමටත් ඔවුන් ගැන ස්ත්‍රීත්වය අනුව තීරන ගැනීමටත් පුළුවන් කමක් ඇත. බටහිර කාන්තාවිමුක්ති ආක්‍රමණිකයාට මේ සමාජ හැඩගැසීම් විනාශ කිරීමට අවශ්‍ය වී තිබේ. චන්ද්‍රිකා කුමාරතුන්ග නම් මේ ස්ත්‍රී පුරුෂ මනෝවිද්‍යාත්මක සාධකය අනුව සමාජ හැඩගැසීම් නැතිකර ඊට අසංවේදී පිරිසක් හැදීමට විජාතික බලවේග සමග කටයුතු කළ ආකාරය අපට මතකය. අද වන විට කාන්තා දේශපාලනය පුළුල් කිරීමට විජාතික උපදෙස් මත මේ ඊනියා යහපාලනය කටයුතු කරන්නේ එහි ඉතිරි ටික ආරම්භ කර ඉදිරියට කරගෙන යෑමටය. මවු සෙනෙහස ගමට කියාගෙන රැවටිලිකාර ලෙස පෙරට එන මේ කාන්තා දේශපාලනය නවතින්නේ බටහිර කාන්තාවිමුක්ති වෛරී ඉලක්කය වෙත මෙරට කාන්තාවන් තල්ලු කිරීමෙනි. ඇතැම් විට විශේෂයෙන් එක්සත් ජාතික පක්ෂය මේ බටහිර කාන්තාවිමුක්තිවාදී අදහස් ඇති කාන්තාවන් කල් තියාම සූදානම් කරගෙන සිටින්නටද බොහෝ දුරට ඉඩ තිබේ. මෙරට ඊලාම් බෙදුම්වාදයට කඩේ ගිය සුනන්ද දේශප්‍රියගේ සොයුරු වන මැතිවරණ කොමසාරිස්ට කාන්තා දේශපාලනය වෙනුවෙන් පෙනී හිටීමට අනවශ්‍ය තදියමක් ඇති බවද පෙනෙන්නට තිබේ. මෙයද රටේ ජාතිකත්වය පැත්තෙන් එතරම් හොඳ පෙරනිමිත්තක් නොවේ.
          
කාන්තා දේශපාලනය පුළුල් කරමින් පනින්නට යන විජාතික පිම්ම අනෙකුත් ක්‍රියාකාරකම් සියල්ලට බලපානු ඇත. බටහිර යුදෙවු කාන්තාවිමුක්තිය මිනිස් කුහකත්වයන් අවියක් කොට ගෙන මිනිස් ස්වභාවයන්ටම එරෙහිව ක්‍රියාත්මක වෙමින් ඉදිරියට විකාශනය වන්නේ පුරුෂයාගේ ලිංගිකත්වය ඇතුළු සියළු ස්වභාවයන්ට වෛර කරමින් කාන්තාවන්ට ඒ පෞරුෂයම අනුකරණය කිරීමට බල කෙරෙන ආකාරයටයි. විජාතික තක්කඩියා තමන්ට හිතවත් යහපාලන අනුගාමිකයන්ට උපදෙස් ලබා දෙන්නේ කාන්තා දේශපාලනය හරහා ඒ ටික කිරීමට මිස මෙරට ජාතික අවශ්‍යතා මත කාන්තාවන්ට ක්‍රියා කිරීමට ඉඩ ලබා දීමට නොවේ. මෙරට කාන්තාවන්ට රටටත් සමාජයටත් ස්ත්‍රීත්වය මත පිහිටා යම් සේවයක් කිරීමට හා වගකීම් කොටසක් ඉටු කිරීමට දේශපාලනය කිරීමටම අවශ්‍ය නොවේ. ගම් මට්ටමින් කුලඟන සමිති හරහා වුවද කාන්තාවන්ට මේ ජරා දේශපාලනට වඩා රටට අවශ්‍ය යම් වැඩ කොටසක් කළ හැක. නමුත් විජාතික බලවේග වලට අවශ්‍ය බටහිර කාන්තා විමුක්තිවාදය පෙරදිගද සක්‍රීය කිරීමයි. බටහිර රටවල් ප්‍රමුඛ ඊනියා ජාත්‍යන්තරයට පෙරදිග රටවල ජනගහන වර්ධනය කෙසේ හෝ පාලනය කිරීමට අවශ්‍යය. පෙරදිග රටවල ස්ත්‍රී පුරුෂ සමාජ හැඩගැසීම විකුර්ති කර ලිංගික ව්‍යාකූලත්වයක් ඇති කිරීම හරහා ඒ අරමුණ ඉටු කරගැනීමටද විජාතික නූල් සූත්තර කාරයන් සූක්ෂමය. ස්ත්‍රී පුරුෂ වශයෙන් වෛරය ගොඩනැගීම හා පිරිමියාට ලිංගිකව අප්‍රසන්න දේ කිරීම සඳහා කාන්තාවන්ට අනුබල දීම තුලින් ප්‍රජනනය දුර්වල කිරීම යුදෙවු මතවාදී හා සංස්කෘතික ආක්‍රමණිකයාගේ ප්‍රධාන අරමුණකි. යුදෙවු චින්තනය බලවත් වීමෙන් පසු මේ මතවාදය බටහිරදී ව්‍යාප්ත කිරීමට බොහෝ යුදෙවු ප්‍රභූ පැලැන්ති වලට අයත් පිරිස් ක්‍රියා කළේ තමන් ඊට අනුගත වීමට වඩා සාමාන්‍ය ජනයාට එය බලෙන් පැටවීමට පියවර ගැනීමෙනි. මේ ව්‍යාධියේ ප්‍රතිඵල බටහිරින් එලිබැස්සේද විෂබීජය වැපිරූ පරම්පරාවට පසු පරම්පරා තුලිනි. මේ විෂබීජය කාන්තා දේශපාලනය හරහා වපුරන්නට විජාතික බලවේග වලින් ලැබෙන උපදෙස් මත වර්තමානයේ ක්‍රියා කරන මෙරට දේශපාළුවන්ද ඔවුන් ඊට අනුගත නොවී සෙසු සාමාන්‍ය ජනයාට ව්‍යාධිය බලෙන් පටවනු ඇත. එය සාර්ථක වුවහොත් මෙරටද වත්මන් පරම්පරාවට පසු පරම්පරා වලින් ලිංගික ව්‍යාකූලත්වයයේ ප්‍රතිඵල එලි බසිනු ඇත. දැඩි විශ්වාසයකින් කිව හැකි කාරනය නම් මේ සියල්ලෙන් අන් කවර කණ්ඩායමකටත් වඩා බැට කනු ඇත්තේ සිංහල සමාජය බවයි.
                            
25% කාන්තා නියෝජනය හරහා දේශපාලනයට එන කාන්තාවන් සියළු දෙනා ස්ත්‍රීත්වය මත පදනම්ව ජාතික අරමුණු වෙනුවෙන් ක්‍රියා කරයි කියා සිතන්නට නොහැකිය. මුල් කාලයේ සැලකිය යුතු පිරිසක් බටහිර කාන්තාවිමුක්තිවාදය වැලඳගනු ඇත. විශේෂයෙන් එක්සත් ජාතික පක්ෂය මේ මතවාදය සවිඥ්ඥානිකවම අනුගමනය කරන කාන්තාවන් සැලසුම්සහගතව මැතිවරණයට ඉදිරිපත් කරනු ඇත. අනෙකුත් පක්ෂ වලින්ද විශේෂයෙන් වාමාංශික පක්ෂ වලින් යුදෙවු කාන්තාවිමුක්තිවාදී අදහස් කරපින්නාගත් කාන්තාවන් විවිධ මට්ටම් වලින් එක් වන්නටද ඉඩ කඩ තිබේ. මේ කාන්තා දේශපාලනය කලක් යන විට විජාතික උපදෙස් පරිදි සූක්ෂම ලෙස මෙරට සමාජය ලෙඩ කරන්නට පටන් ගනු ඇත. ඇතැම් විට මුල් කාලයේ බටහිර යුදෙවු කාන්තා විමුක්ති අදහස් කෙලින්ම නොදා කරන රැවටිලි කාර ක්‍රියාකාරකම් වලට මුල් තැනක් දෙන්නට විජාතික බලවේග වලින්ම උපදෙස් ලැබීමටත් ඉඩ තිබේ. මුල් අදියරේ සමාජය රැවටීමේ වැඩ කටයුතු මාතෘත්වයට මුවා වී කරගෙන යනු ඇත. ටික කාලයකදී විජාතික වැඩපිළිවෙලවල් වලින් මොළ හෝදාගන්නා කාන්තාවන් වෙනත් අංශවලින්ද කාන්තා නියෝජනය අඩු යැයි මැසිවිලි නගනු ඇත. ඒ අනුව කාන්තාවන් බහුතරයක් ස්ත්‍රීත්වයට අනුව ගලපා නොගන්නා ක්‍රියාකාරකම් ජනමතයට හා අපේ සමාජයේ සංවේදීතාවයන්ට පිටින් ගොස්, කාන්තාවන්ටද විවුර්ත කර දී පුරුෂ ලිංගිකත්වය පවා පිස්සුවෙන් අනුකරනය කරන කාන්තාවන්ට ප්‍රසිද්ධියේ සමාජය අවුල් කරමින් යකා නටන්නට ඉඩකඩ නොලැබී තියේ යැයි සිතන්නට කිසිසේස්ත් නොහැකිය. බටහිර මතවාද ටිකෙන් ටික මනසට කාවැදුන පසු කාන්තා දේශපාලකවරියන් ලිංග භේදයක් අවශ්‍ය නැතැයි කියමින් පෙර කී කටයුත්තට සමගාමීව ස්ත්‍රී අනුකාරක පිරිමින්ටද අනුකම්පාව ලබා දෙනු ඇත්තේ පිටස්තර බලවේග වල උපදෙස් අනුවයි. ඉන් පසුවට සිදු වන්නේ සමලිංගිකත්වය පිළිගැන්වීමට අවශ්‍ය ජන මනස හැදීමේ වැඩ කටයුතුය. පලාත් පාලන ආයතන වලින් ඔබ්බට කාන්තා දේශපාලනය පුළුල් වන විට මේ කටයුතු වඩා තීව්‍ර වේ. බටහිර සිදු වූ ලෙසම පුරුෂ ලිංගික ස්වභාවය සාහසිකකරනය හා අපරාධකරනය කිරීමත් ස්ත්‍රී ලිංගික ස්වභාවය අසභ්‍යකරණය කිරිමත් සිදු වනු ඇත්තේ අප සමාජයේ විරුද්ධ ලිංගික ගැලපීම් හා විෂමලිංගික සම්බන්ධතා පසුබැස ව්‍යාකූල සමාජයක් නිර්මාණය වන ලෙසිනි. අවසන් ඉලක්කය සමලිංගික ගැහැනු පිරිමි දෙපිරිසටම නිදැල්ලේ ළමා අපචාර ඇතුළු විකුර්ති කාම අපචාර සිදු කිරීමට ඉඩකඩ විවර කරන අතර විෂමලිංගික වැඩිහිටි පුරුෂයා සහ පුරුෂ ලිංගික ස්වභාවය ඉලක්ක කර ද්වේශසහගත නීති ගෙන ඒමයි. මේ කිසිවක් හිතළු නොව දැනටත් බටහිර රටවල සිදුවී තිබේන දේ බවද අවධාරනය කළ යුතුයි.
                        
මේ විජාතික උගුලෙන් ගැලවීමද පහසු නොවන්නේ කලක් තිස්සේ සිංහල සමාජයට ව්‍යාජ උගතුන් විසින් කාන්තාවිමුක්තිවාදය කාවද්දා තිබෙන නිසයි. සියල්ලට පෙර ජාතික මතවාදයක පිහිටා මේ ප්‍රශ්නය තේරුම් ගැනීම අනිවාර්ය වේ. බටහිර නූතනත්වයේ මතවාදී වහලුන් වන ව්‍යාජ උගතුන් බුද්ධිමතුන්ගේ තර්ක හා කුහක මතවාද බිඳ දැමීමට අවශ්‍ය ශක්තිය රටට ආවේනික චින්තනය තුලින් උකහා ගත යුතුය. ස්ත්‍රී පුරුෂ භාවය, ලිංගිකත්වය සමාජය ගැන අපේ මතවාද මත පිහිටා කුහකත්වයේ ව්‍යාජනයන් නොවන සැබෑ වටිනාකම් බල ගැනිවිය යුතුව තිබේ. කාන්තාවන් ස්ත්‍රීත්වය මත පිහිටා කවරදෙයක් කරත් වැරදිය යන මතයේ සිටිමින් ස්ත්‍රීත්වයට බැට දෙන ගොන් කමක්ද මීට කිසිසේත් යෝග්‍ය නොවේ. සැබවින්ම බෞද්ධ සමාජයක ලිංගිකත්වය ගැන තිබිය යුත්තේ එහිදී පෞරුෂත්වය හා ස්ත්‍රීත්වය එකිනෙක සමරූපී වීම හා ඒ දෙකෙහි සමබරතාවය ගැන අවබෝධයෙන් ස්වභාවය සමග කටයුතු කිරීමේ හැකියාව මිස කාන්තාවන්ට පිරිමින් කරන සියල්ල විචාරයකින් තොරව කිරීමේ හැකියාව නොවේ. කාන්තාවන්ට එසේ කිරීමට ඇති හැකියාව බෞද්ධ සමාජයට අනුව දක්ෂතාවයක්ද නොවේ. මේ කරුනු මත පිහිටා පළමුව ව්‍යාජ උගතුන් විසින් බුදු දහමට වැරදියට ආදේශ කර තිබෙන බටහිර යුදෙවු කාන්තාවිමුක්තිවාදී බේගල් ඉවත් කර විචාරවත් බවක් අපේ සමාජය තුලින් ඇති කර ගත යුතුය. ජාතික මතවාද වල පිබිදීමක්ද ඒ තුලින් ඇති කරගැනීමට හැකි වීම නියතය. මේ අවස්ථාවේ ජාතික සංවිධානත් සිහි කල්පනාවෙන් ක්‍රියා කිරීම වැදගත් වේ. ව්‍යාජ උගතුන් අනුව යමින් බටහිර කාන්තා විමුක්ති බේගල් ජාතිකත්වයට වැරදියට ගලපාගැනීමද මිථ්‍යාවකි. වඩා වැදගත් වන්නේ මේ මැතිවරණයේදී කාන්තාවන් පලාත්පාලන ආයතන වලට තේරී පත් වුවත් ඔවුන්ව විජාතික බලවේග වලට හැසිරවීමට තිබෙන ඉඩකඩ ඇහිරීමයි. ඔවුන්ට කාන්තාවන් හැටියට මේ රටටත් සමාජයටත් කිරීමට තිබෙන වැඩ කටයුතු මොනවාද යන්න අපේ ස්මාජය තුලින් අපට ආවේනික මත්වාද මත පිහිටා සංවාදයක් ඇති කළ යුතු වේ. විජාතික කාන්තාවිමුක්ති මතවාද අනුව කටයුතු කිරීමට මෙරට කාන්තාවන්ට පිටස්තර බලවේග වලින් උපදෙස් ලැබීමට ඇති ඉඩකඩ ගැන නිතර අවධානයෙන් සිටිමින් ඒ උත්සහයන් පරාජය කළ යුතුය. මේ ප්‍රශ්න්ය ප්‍රශ්නයක් ලෙස නොදැක විහිළුවකට ගැනීම හෝ ඊට සංවේදී නොවී සිටියොත් ඇතිවන තත්වය භයානක වේ. දැනටත් ඉන්දියාව මේ ප්‍රශ්නයෙන් බැට කයි. අපට සිදු වන්නට යන්නේ එහි අනෙක් හරියයි. මේ ගැන අවධානයක් නොදක්වා ඊට කිසිත් සංවේදී බවක් නොදැක්වීමත් විජාතික කපටි සූත්තර කාරයන්ට වාසියකි. බටහිර යුදෙවු කාන්තා විමුක්තිවාදය ලොව පුරා ජාතිකත්වයන් මෙන්ම රට රටවල සමාජයන් එහෙම පිටින් ලෙඩ කර තිබෙන ආකාරය තේරුම් ගෙන සිටීමත් ඉතා වැදගත් වේ. බටහිර යුදෙවු මතවාදී හා සංස්කෘතික ආක්‍රමණිකයා රට රටවල ජාතිකත්වයන් දුර්වල කිරීමට යොදාගන්නා ප්‍රධාන අවියක් වන්නේ කාන්තාවිමුක්තියයි. මේ කරුනු හරි හැටි තේරුම් ගෙන බටහිර කාන්තාවිමුක්තිවාදය බටහිරටත් ලොව බටහිර නොවන වෙනත් රටවලටත් කර තිබෙන හානිය අවබෝධ කරගනිමින් විජාතික බලවේග වල සියළු උත්සහයන් උපක්‍රමශීලීව ව්‍යර්ත කර දැමීම මේ අවස්ථාවේ  ජාතික බලවේග වල මුල් පෙලේ වගකීමක් විය යුතුමය.

Friday, May 19, 2017

විජග්‍රහනයේ දිනය සැබෑ නිදහස් දිනයයි.


මේ ලිපිය මැයි 18 ට යෙදුනු දෙමළ ජාතිවාදී කොටි ත්‍රස්තවාදය පැරදවීමේ විජයග්‍රහනය වෙනුවෙනි. එකලද හමුදා මෙහෙයුම් සියල්ල මානුෂීය මෙහෙයුම් ලෙස හැඳින්වුවත් ඒ තුල මානුෂීය මෙහෙයුම් වලින් එහා ගිය ජාතික අරමුණු ඇති බව මාධ්‍ය කෙසේ වෙතත් ජාතික මතවාද වලට සංවේදී කවුරුත් දැන සිටියාට සැක නැත. අධිරාජ්‍යවාදීන්ගේ අත්තිවාරම මත පැන නැග ආ දෙමළ ජාතිවාදය පසු කලක ජාත්‍යන්තරව ඒකාබද්ධ වූ යුදෙවු නිරාගමික මතවාදී හා සංස්කෘතික ආක්‍රමණකාරී නව යටත් විජිතවාදය සමග ඒකාබද්ධ විය. එයින් මතවාදී පන්නරය ලබා බිහි වූ කොටි ත්‍රස්තවාදය සටන් කළේ මෙරටට ආවේනික ජනයා වූ සිංහල බෞද්ධයන් වසර දහස් ගනනක් තිස්සේ රටට ලබා දුන් ජාතික අනන්‍යතාවයට එරෙහිවය. ඒ සුද්දන්ගේ පරිපාලන බෙදීම් අනුව අපේ රටේ උතුරු හා නැගෙනහිර පලාත් වලට හොර අයිතිවාශිකමක් කියමින් බොරු නිජභූමි සංකල්පයක්ද ඉදිරියට දමා ගනිමිනුයි. මේ සියළු කොටි නැටුම් හා ඊට උදවු දුන් මෙරට පිටරට විජාතික හස්තයන්හි අභිප්‍රාය වුනේ රටට ආවේනික මෙන්ම රට බිහිකළ  සිංහල බෞද්ධයන්ට නැවතත් රටේ රාජ්‍යත්වයට හා පාලනයට උරුමකම් කීමට ඉඩ නොදීමයි. මේ සියල්ල සැලකිල්ලට ගත් කළ වර්ෂ 2009 මැයි 18 වන දින ප්‍රභාකරන් සමග කොටි ත්‍රස්තවාදය මුලිනුදුරා දමා ආරක්ෂක අංශ මෙන්ම මෙරට බහුතර ජනතාව ලබා ගත්තේ ජාතිකත්වයේ ජයග්‍රහණයකි. වෙනත් ආකාරයකට කිවහොත් ජාත්‍යන්තර නව යටත් විජිතවාදයේ කෙවිට අතට ගෙන ජාතියට තලමින් සිටි පැරනි අධිරාජ්‍යවාදී වහල් සේවකයාගේ ගමන සදහටම නවතමින් අප සැබෑ ජාතික නිදහස අත් කරගත්තෙමු.
                                                අප මින් පෙර විවිධ අවස්ථා වල කියා ඇති පරිදි කලක සිට ජාතික අරමුණු කරා යන ගමනේ අප විසි පැන ගතයුතු මූලික කඩයිම් 3ක් තිබුණි. ඉන් පළමුවැන්න ප්‍රභාකරන් සමග කොටි ත්‍රස්තවාදය මුලිනුපුටා දැමීමයි. ඒ තීරනාත්මක කඩයිම අප ජය ගත්තෙමු. දෙවැනි හා තුන් වැනි කඩයිම් පැනීමට අපට තවමත් නොහැකි වී තිබෙන්නේ එක් අතකින් රාජ්‍ය බලය ජාතිකත්වය පැත්තෙන් විජාතිකත්වය පැත්තට නැවත මාරු වී ඇති හෙයිනි. ඒ කඩයිම් ජය ගැනීමද සිංහලයාට ජාතියක් ලෙස ඉදිරි පැවැත්මක් අපේක්ෂා කිරීමටනම් අනිවාර්ය ලෙස සිදු කළ යුතු වේ. අප මීට පෙරද කී පරිදි මෙහි දෙවැනි කඩයිම දෙමළ නිජභූමි මිථ්‍යාව සමග ඊලාම්වාදී බෙදුම්වාදය මතවාදීවත් දේශපාලනිකවත් පරාජය කිරීමයි. තුන්වැන්න රටට ආවේනික ලෙස සිතන පතන ජනයා රටේ තීරක බලවේගය බවට පත් කර ගනිමින් සිදුසු දේශපාලන නායකත්වයක් සමගින් රටට අනන්‍ය වූ ඉදිරි ගමනක් යෑමයි. මේ සියළු අභියෝග ජය ගැනීමට මේ රටට ආවේනික චින්තනය පන ගැන්වීම කළ යුතුමය. මැයි 18 ලැබූ විජයග්‍රහණය සැබෑ ජාතික නිදහස ලැබූ දිනයක් බව සිහි කර ගැනීම මීට හොඳ අඩිතාලමක් වේ. එහෙත් ඒ සියල්ල හොඳින් දන්නා විජාතික රජය ප්‍රමුඛ පිසාචයන් මේ ජයග්‍රහණය දියාරු කිරීමට කටයුතු කර ඇත. සියළු අභියෝග ජයගැනීමට නැවතත් රාජ්‍ය බලය විජාතික පැත්තේ සිට ජාතිකත්වය පැත්තට මාරු කරගැනීම අනිවාර්ය වේ. එහෙයින් දිනූ නිදහස විජාතික පිසාච රැල විසින් කාබාසිනියා කිරීමට පෙර එම කර්තව්‍ය කිරීමට ජාතියක් ලෙස පෙළ ගැසෙමු.

Friday, February 10, 2017

යුගයක ඇරඹුම් සටහන

2015 වසර ශ්‍රී ලංකාවට එහි ජාතිකත්වය පැත්තෙන් බොහෝ අවාසනාවන්ත සිදුවීම් වලට මුහුන දීමට සිදුවූ වසරක් විය. ඒ 2015 ජනවාරි 8 ජාතිකත්ව කඳවුරේ සිට විජාතික නරි රැල වෙත රැවටිලිකාර පොදු අපේක්ෂකයෙකු හරහා ආණ්ඩු බලය මාරු වීමේ ප්‍රධාන හැරවුම් ලක්ෂ්‍යය සටහන් වීමත් සමගයි. ඉන් පසුවට දිගින් දිගටම ජාතිකත්වය පසුබසිද්දී විජාතික හතුරු බලවේග ශක්තිමත් විය. ලංකාවේ මේ විජාතික සතුරු කඳවුරට සහය දෙමින් ඊට පිටුබලය සපයනු ලැබුවේ බටහිර යුදෙවු නිරාගමික නූතනවාදී බලවේගයේ අන්තර්ජාතික එකමුතුවයි. මේ එකමුතුවේද නායකත්වය දරනු ලැබුවේ එවකට ඇමරිකානු ජනපති වූ බැරැක් ඔබාමාය. ඔහුට ඇමරිකානු ජාතිකත්වයට වඩා තිබුණේ යුදෙවු නිරාගමික නූතනත්වය පදනමට ගත් ජාත්‍යන්තරවාදයකි. ඇමරිකානු ඩිමොක්‍රටික් පක්ෂය පුරාවට මේ ලක්ෂණය අඩු වැඩි වශයෙන් ඇත. ඔබාමාගේ ඩිමොක්‍රටික් පක්ෂය නේටෝවේ යුධ ශක්තිය වැඩි කිරීමට ඇමරිකානු හමුදා යොදවමින් තම භූ දේශපාලනික විරුද්ධවාදීන්ගේ දේශසීමා අසල ගැටුම් ඇතිවීමට තුඩු දෙන ක්‍රියාකාරකම් බොහොමයක නිරත විය. අයිසිස් ත්‍රස්තවාදය ලෝකයට කරන විනාශය පොදුවේ නොදැක්ක ඔබාමා පරිපාලනය ඇමරිකාවට හා යුරෝපීය ජාත්‍යන්තරවාදී එකමුතුවට තර්ජනයක් වන විට පමණක් එය ත්‍රස්තවාදය ලෙස දැක්කේය. අයිසිස් ත්‍රස්තවාදය ලොවට තර්ජනයක් වෙද්දී රුසියානු නායක පුටින්ට එය වැලැක්වීමට තිබූ උවමනාව ඔබාමාට නොතිබුනා පමණක් නොව ඔහුට අයිසිස් කණ්ඩායම ලවා ඔහුගේ විරුද්ධවාදියෙකු වූ සිරියානු නායක බශාර් අල් අසාද් බලයෙන් පහ කිරීමේ යටි අරමුණක්ද තිබුණි. ඔබාමා විසින් නායකත්වය දුන් බටහිර යුදෙවු  නිරාගමික නූතනවාදී ජාත්‍යන්තර එකමුතුව ලොව පුරාම විවිධ රටවල ජාතිකත්වයන්ට එරෙහිව විවිධ වැඩසටහන් දියත් කරන්නටද විය. ලංකාවේ ප්‍රභාකරන් ප්‍රමුඛ කොටි ත්‍රස්තවාදය පරාජය වී දෙමළ ජාතිවාදයද පරාජය වනු දැකීමට අකමැති වූ ඔබාමා ප්‍රමුඛ යුදෙවු නිරාගමික නූතනවාදී එකමුතුව ඔවුන්ට හිතවත් මෙරට යහපලන වුර්කයින්ගේද සහයෙන් ජිනීවාහි ජාත්‍යන්තර මානව හිමිකම් කල්ලිය ලවා නැවත දෙමළ ජාතිවාදය දිනවමින් යුධ ජයග්‍රහනයේ නියමුවන්ට දඬුවම් කිරීමට ගත් උත්සහය ඉන් එකකි. යුදෙවු නිරාගමික නූතනත්වයේ මේ ජාත්‍යන්තර එකතුව ලොවපුරාවට බටහිර කාන්තා විමුක්තිවාදය හා සමලිංගික පක්ෂපාතී බව බලහත්කාරයෙන් ව්‍යාප්ත කිරීමටද කටයුතු යෙදීය. ඔබාමා පරිපාලනය රුසියාව සමග බොහෝ ගැටුම් සහ මතභේද ඇතිකරගැනීමට බලපෑ එක් අප්‍රකට කරුනක් වූයේද මෙයයි.
                             

යුදෙවු නිරාගමික නූතනවාදී බලවේග වල ජාත්‍යන්තර එකතුවේ ආදිපත්‍යට දැන් දැන් යහපත් අනාගතයක් උදාවේ යැයි සිතිය නොහැක. මේ කියන්නට යන්නේ එම කාරනාව අපේ රටේ ජාතිකත්වය පැත්තෙන්ද බලන විට කෙබඳු මුහුනුවරක් ගනීද යන්න පිළිබඳ   විස්තරයකි. කියන්නට යන දෙය මූලිකව බැඳී ඇත්තේ පසුගිය වසරේ පැවති ඇමරිකානු ජනාධිපතිවරනය හා එහි ප්‍රතිඵලය සමගයි. 2016 නොවැම්බර් මස 8 වනදා පැවති ඇමරිකානු ජනාධිපතිවරනයෙන් හිලරි ක්ලින්ටන් පරදවා ඩොනල්ඩ් ට්‍රම්ප් ජය ගත්තේ ලෝකයටම පාඩම් ගනනාවක් කියා දෙමිනි. ඒ මොනවාද යන්නත් මෙම ප්‍රතිඵලය අපේ රටට කෙසේ බලපාන්නේද යන්නත් විමසීම වැදගත් වේ. ඇමරිකානු ජනපති සටන ඇරඹෙන විට බලයේ සිටියේද ඩිමොක්‍රටික් පක්ෂය සහ ජනාධිපති බැරැක් ඔබමායි. ඩිමොක්‍රටික් පක්ෂයේ මතවාදී අරටුව වන ලිබරල් ප්‍රජාතන්ත්‍රවාදය තිබෙන්නේ යුදෙවු නිරාගමික නූතනතවයේ මතවාදී ආධිපත්‍ය තුලයි. ඩිමොක්‍රටික් පක්ෂය වෙනුවෙන් ජනපති සටනට එක්වූ කාන්තා චරිතය වන හිලරි ක්ලින්ටන් චරිතය යුදෙවු නිරාගමික නූතනත්වයේ මතවාදී ආධිපත්‍යට එක් කළේ තව තවත් තීව්‍ර බවකි. මේ ආධිපත්‍යයේ ජාත්‍යන්තර එකමුතුව තුලින්ම පැන නැගි ප්‍රමුඛ පෙලේ ජාත්‍යන්තර මාධ්‍ය, ඊනියා ජාත්‍යන්තර විශ්ලේශකයින්, දේශපාලන විචාරකයින් ඇතුළු මෙකී නොකී සියල්ලන් සිටියේ ඔවුන්ගේම මතවාදී නියෝජිතවරිය වූ හිලරි ක්ලින්ටන්ගේ පැත්තේය. ඩිමොක්‍රටික් පක්ෂයේ හිලරි ක්ලින්ට යුදෙවු නිරාගමික නූතනත්වයේ ආධිපත්‍ය තුල ඇති සියළු සංරචකයන් නියෝජනය කරමින් ජනාධිපති සටනට බැස්සාය. ඇය පෙනී හිටියේ ඇමරිකානු ජාතිකත්වය හා ජාතික වගකීම් වලට වඩා ජාත්‍යන්තරවාදී මානව  හිමිකම් ආදිය  මෙන්ම වගකීම් වලට උර නොදෙන පුද්ගල ආත්මාර්ථකාමී ලිබරල් ප්‍රජාතන්ත්‍රවාදය වෙනුවෙනි. බහුතරයක් ජාත්‍යන්තර ජනමාධ්‍ය කල් තියාම ඔවුන්ගේ මතවාදී නියෝජිතවරිය වූ හිලරි ක්ලින්ටන් වෙනුවෙන් දැඩි ලෙස පක්ෂපාතී ලෙස ඇමරිකානු ජනපති සටනේ තොරතුරු ලොවට බෙදාහරින්නට විය. ඒ අතරේම හිලරිගේ විරුද්ධවාදියා වූ ඇමරිකානු ජාතිකත්වයට හා ක්‍රිස්තියානි චින්තනයට බර ඩොනල්ඩ් ට්‍රම්ප්ට අසීමිත ලෙස බැට දීමටත් ඔහුව අසාධාරන විවේචනයන්ට ලක්කරමින් විහිළුවට ලක් කිරීමටත් මේ ජාත්‍යන්තර ජනමාධ්‍ය කල්ලිය අමතක නොකළේය. ඊනියා ජාත්‍යන්තර විශ්ලේෂකයින් හා දේශපාලන විචාරකයින් මෙම ජනාධිපතිවරණයෙන් හිලරි ක්ලින්ටන් නියත වශයෙන් ජයගන්නා බවට අනාවැකි පල කරමින් ඇමරිකාවේත් ලොව සෙසු රටවලත් ජන මනස හසුරවන්නට ක්‍රියාකළේය. ඒ හිලරි ක්ලින්ටන් ඇමරිකාවේ ප්‍රථම කාන්තා ජනාධිපතිවරිය වන්නට නියමිත බව කියමිනි.
                                
ඇමරිකානු ජනපති සටන පුරාවට රිපබ්ලිකන් පක්ෂයේ ඩොනල්ඩ් ට්‍රම්ප් සිය අදහස් ඉදිරිපත් කළේ ඇමරිකානු ජාතිකත්වය පැත්තේ සිටයි. ජාත්‍යන්තරයේ ජඩ මාධ්‍ය මාෆියාව කුමක් කීවත් ඔහු තම රටටත් ජනතාවටත් ජාතියටත් තිබෙන සැබෑ ගැටළු එකින් එක සම්බන්ධව ක්‍රමවත් ලෙස නිසි ඉලක්කයකට කතා කළේය. ඩොනල්ඩ් ට්‍රම්ප් නොබියව ආමන්ත්‍රණය කළේ ඇමරිකාවේ ජාතිකත්වය පැත්තේ සිටින එරට සැබෑ ප්‍රශ්න වලට සංවේදී බහුතරයකටයි. එහිදී ඔහු රටේ ආර්ථික ප්‍රතිපත්ති එරට පුරවැසියන්ට හිතකර ලෙස වෙනස් විය යුතු ආකාරය ගැන ආන්දෝලනාත්මකව කතා කළේය. තම රටේ ජනතාවට රැකියා අවස්ථා වැඩි වශයෙන් ලබා දිය යුතු බවටත් එරට කර්මාන්ත කරුවන්ට හා නිශ්පාදකයින්ට ඇති බදු බර අඩු කර ඔවුන් වෙනත් රටවලට වැඩි ප්‍රතිලාභ අත්කරදෙමින් ඇමරිකාවෙන් පිටත ආයෝජන සිදු කිරීම වැලැක්විය යුතු බවට දැඩිව කියා සිටියේය. ඩොනල්ඩ් ට්‍රම්ප්ට ඇමරිකාවට වෙනත් රටවලින් පැමිණෙන සංක්‍රමණිකයන් සම්බන්ධ ප්‍රතිපත්ති වල දුර්වලතා ගැන හොඳ අවබෝධයක්ද තිබූ අතර එම ප්‍රතිපත්ති වෙනස් කිරීම ගැන ඔහු පැහැදිලිව තම ස්ථාවරය පෙන්වා දුන්නේය. ඔහු ඇමරිකාවට පමණක් ජනාධිපති වන බවටත් ලොව වෙනත් රටවල ප්‍රශ්න වලට මැදිහත් වෙමින් ඇමරිකාවේ ධනය කාබාසිනියා නොකරන බව කීවේය. එලෙසම ඇමරිකානු හමුදා ලොව වෙනත් රටවල දේශ සීමා රැකීමට ගොස් සිටියදී තම රට අනාරක්ෂිතව ඇති බවට චෝදනා කළේ ඔබාමා පාලනය තුල ඇමරිකානු සෙබළුන් වැඩි වශයෙන් ජාත්‍යන්තර නේටෝ හමුදාවට අනුයුක්තව ලොව පුරා එක්සත් ජාතීන්ගේ බලහත්කාරය ක්‍රියාත්මක කරමින් සිටියදීය. ඩොනල්ඩ් ට්‍රම්ප්ට මැදපෙරදිග සුන්නි මුස්ලිම් ආක්‍රමණය හා එහි ත්‍රස්ත ක්‍රියාකාරකම් ගැන තිබුණේ ඉතා සුවිශේෂී අවබෝධයකි. ඔහු ත්‍රස්තවාදයට හා සුන්නි මුස්ලිම් අන්තවාදී ආක්‍රමණයට වඩා ප්‍රායෝගික ලෙස මුහුණ දිය යුතු ආකාරය ගැන කතා කළේ ව්‍යාජ මානව හිමිකම් හා ලිබරල් ප්‍රජාතන්ත්‍රවාදය තුට්ටුවකට මායිම් නොකරමිනි. ඔහු රටේ ජාතික ආරක්ෂාව ප්‍රමුඛත්වයේ ලා සලකමින් ජනාධිපතිවරණ සටන තුල තම අදහස් ප්‍රකාශ කළේ අව්‍යාජත්වයකිනි. දක්ෂිණාංශික ජනාධිපතිධූර අපේක්ෂකයා වූ ඩොනල්ඩ් ට්‍රම්ප් ජාත්‍යන්තරවාදය තුල එල්බගත් ඩිමොක්‍රටික් පාලනය ලොව පුරා යුදෙවු නිරාගමික නූතනත්වයේ මතවාදී ආක්‍රමණය ව්‍යාප්ත කිරීමට ගොස් ඇමරිකානු ධනය නිකරුනේ විනාශ කරන ආකාරයත් ඉන් තම රටේ බදු ගෙවන්නන්ට වන හානියත් තීක්ෂණ ලෙස දුටුවේය. ලොව වෙනත් රටවලට විවිධ කාරනා සම්බන්ධයෙන් අයුතු බලපෑම් කිරීමට නොයන බවටත් තම රට ගැන තමා බලා ගන්නා බවටත් ඔහු පැහැදිලිව කියා සිටියේ එහෙයිනි.
                                    
ඩිමොක්‍රටික් පක්ෂ අපේක්ෂිකාව වූ හිලරි ක්ලින්ටන්ගේ සටන්පාඨ වල හා අදහස් වල තිබුණේ පිට ආටෝපය පමණකි. අති මහත් බහුතරයක් ජනමාධ්‍ය තම සාක්කුවේ දමාගෙන සිටි හිලරිගේ ජාත්‍යන්තරවාදී දේශපාලන දර්ශනයම ඇමරිකානු ජාතිකත්වයෙන් පිට  තිබියදීත් මාධ්‍ය මාෆියාව හිලරිව පුම්බා තැබුවේ ට්‍රම්ප්ට අභූත චෝදනා බුරුතු පිටින් එල්ල කරමිනි. හිලරිගේ ආටෝප කතා වල තිබුනේම ජාතික වගකීම් වලින් ගැලවී සිටීමට කැමති අලස ගෝලීය ජත්‍යන්තරවාදීන්ගේ මන දොල සැපිරීමට අවශ්‍ය අදහස් යෝජනා මිස ඇමරිකානු ජනයාට ජාතික වශයෙන් බලපාන පොදු ජාතික ගැටළු නිරාකරනය කර ගැනීමට අවශ්‍ය අදහස් නොවේ. හිලරි ක්ලින්ටන් තම ආර්ථික ප්‍රතිපත්ති න්‍යායාත්මකව කරුනු වශයෙන් ඉදිරිපත් කිරීමට මුල් තැනක් දුන්න නමුත් ඒවායින් තම රටේ ජනතාවට හා ජතික ආර්ථිකයට ඇති වාසිය පෙන්වා දීමට අපොහොසත් විය. හිලරගේ ලිබරල් ප්‍රජාතාන්ත්‍රික ආර්ථික ප්‍රතිපත්ති වලින් ඇමරිකානු ආර්ථිකය ජාත්‍යන්තරයට වඩා විවුර්ත වී එරට ජනයාට තිබෙන රැකියා අවස්ථා ප්‍රමාණයද අඩු වන බව හිලරි තේරුම් නොගත්තත් ඇමරිකානු ජනතාව තේරුම් ගෙන තිබුණු බවක් පෙනේ. ඇමරිකානු කර්මාන්තකරුවන්ට බදු සහන ලබාදී රටට ආර්ථික ප්‍රතිලාභ ලබාගන්නා ක්‍රමවේදයන් ගැන හිලරි වැඩි උනන්දුවක් දැක්වූයේ නැත. ජාතික ආරක්ෂාව සම්බන්ධයෙන්ද හිලරි වැඩි උනන්දුවක් දැක්වූයේ රුසියාව තම දේශපාලනික සතුරෙකු ලෙස සලකා රුසියාව සමග අනවශ්‍ය ගැටුම් ඇති කර ගැනීමට මිස සුන්නි අන්තවාදී ත්‍රස්ත ක්‍රියාකාරකම් මැඩලීමට නොවේ. ගොන් ලිබරල් ප්‍රජාතන්ත්‍රවාදයේ එල්බගෙන කුහක මානව හිමිකම්ද පෙරදැරීව සුන්නි අන්තවාදයට මුහුනදීම කෙසේ වෙතත් සුන්නි අන්තවාදය හා ත්‍රස්ත ක්‍රියාකාරකම් වල ස්වභාවය තේරුම් ගැනීමටවත් නොහැක. හිලරිගේ ප්‍රතිපත්ති වලට අනුව සුන්නි ත්‍රස්තවාදයට එරෙහිව සටන් කරන අතරේම සුන්නි ත්‍රස්තවාදය පෝෂණය කරන නිරායුධ සුන්නි මුස්ලිම් මූලධර්මවාද අනුගාමිකයන්ගේ සිවිල් අයිතිවාසිකම්ද රැකිය යුතුය. ඒ කුහක ලිබරල් ප්‍රජාතාන්ත්‍රික ගොන්කමේ එක් ස්වභාවයකි. හිලරි ඔබාමා දෙපලගේ ඩිමොක්‍රටික් දේශපාලනය යුදෙවු නිරාගමික නූතනත්වයේ මතවාදී ආක්‍රමණය ලොව පුරා පැතිරවීමට විවිධාකාරයෙන් ක්‍රියා කළේ ඇමරිකානු බදු ගෙවන්නන්ගේ මුදල් මෙන්ම ඇමරිකානු ජාතික ධනයද කාබාසිනියා කරමිනි. ඒ කටයුත්ත සිදු කරනු ලැබුවේ ඔවුන්ගේ මතවාදී අනුගාමික කණ්ඩායමේ අනෙකුත් පාර්ශවද ඇතුළු ජාත්‍යන්තර එකතුවට නායකත්වයක් ලබා දෙන ගමන්මය. ඔවුන්ගේ මතවාදී අනුගාමිකයන් වූ මෙරට දෙමළ ජාතීවාදීන් හා කොටි ත්‍රස්තවාදය පැරදවීමේ හමුදා මෙහෙයුම් වලට මුල සිටම ඔබාමා ක්ලින්ටන් කණ්ඩායම බාදා පැමිණවිය. කොටි ත්‍රස්තවාදය පැරදවීමෙන් පසුවද ඔවුන්ට පුරුදු ලිබරල් ප්‍රජාතාන්ත්‍රික න්‍යාය අනුව අපේ හමුදාවට හා සටනට නායකත්වය දුන් සැමට එරෙහිව ඔවුන්ගේ ජාත්‍යන්තර එකමුතුව සමග හිලරි ඔබාමා දෙපල කටයුතු කළේ ඊනියා මානව හිමිකම් අවියක් ලෙස භාවිතා කරමිනි.
           
හිලරි ක්ලින්ටන් තම ජනාධිපතිවරණ දේශපාලන සටනට බටහිර කාන්තා විමුක්තිවාදයද යොදවාගත් බවට කිසිදු සැකයක් නැත. හිලරිට පක්ෂ අති විශාල මාධ්‍ය බහුතරය කියා සිටියේත් ඇය ඇමරිකාවේ ප්‍රථම ජනාධිපතිනිය වනු ඇති බවයි. පිරිමින්ටත් වඩා ටෙස්ටස්ටෙරෝන් තමාට ඇතැයි කියමින් චන්ද සටන තුල කැපී පෙනීමට ගියත් ඇයට ලැබුණු ප්‍රතිචාරය අනුව ඇගේ සටන්පාඨ ඇමරිකානුවන් විසින් පිළිකුල් කර ඇති බව පෙනෙන්නට තිබේ. ඔබාමා ක්ලින්ටන් ඩිමොක්‍රටික් කණ්ඩායම ලොව පුරා කාන්තා විමුක්තිවාදය මෙන්ම සමලිංගිකත්වය ප්‍රචලිත කිරීමට ඔවුන්ගේ ජාත්‍යන්තර මතවාදී බලහත්කාරය ක්‍රියාත්මක කළ බවද නොරහසකි. ඇමරිකානු ලිංගික ව්‍යාකූල කණ්ඩායම් වල චන්ද සියල්ලම වාගේ හිලරිට වැටී තිබුණ බවක් පෙනේ. කෙසේ නමුදු වසර 2016 නොවැම්බර් 8 වනවිට ප්‍රභල ජාත්‍යන්තර ජනමාධ්‍යවලත්, ඊනියා දේශලාපන විචාරකයන්ගේ හා විද්වත් විශ්ලේශකයන්ගේ අනාවැකිත් බොරු කරමින් ඩොන්ල්ඩ් ට්‍රම්ප් මැතිවරණයෙන් ජය ගත්තේය. 2017 ජනවාරි 20 වනදින ඇමරිකානු ඉලෙක්ටෝරල් කොලෙජ් ආයතනයේ ප්‍රතිඵලය අනුවද ජය ගනිමින් එරට නව ජනාධිපතිවරයා වශයෙන් දිවුරුම් දුන්නේ මැතිවරණයෙන් පසුවත් ජාතිකත්ව විරෝධී ජාත්‍යන්තර කණ්ඩායම් වල සියළු කෙනහිලිකම් මැද්දේය. මේ චන්ද ප්‍රතිඵලය ලෝකයට කියා දුන්නේ වැදගත් පාඩම් ගනනාවකි. ඉන් වැදගත්ම එකක් වන්නේ ලොව ජාතිකත්වයන් තවමත් අඩපනව නැති බව හා ඕනෑම මොහොතක ජාත්‍යන්තරවාදී එකමුතුවේ බලය අභිබවා යා හැකි බවයි. එහි අනෙක් පැතිකඩ වන්නේ යම් දෙයක් සම්බන්ධයෙන් ලෝක ජන මතය කුමක් වුවත් ජාත්‍යන්තර ජඩ මාධ්‍ය සමූහය තමන්ගේ මතවාද වලට පක්ෂපාතී පාර්ශවය පුම්බා තැබීමට ක්‍රියාකරන බවයි. තවත් වැදගත් දෙයක් වන්නේ ගොන් ලිබරල් ප්‍රජාතන්ත්‍රවාදයට තවත් ලෝකයේ තම ආධිපත්‍ය පැතිරවීමට නොහැකි වීම හා ලොව පුරා ජාතිකත්වයන් නව පනක් ලැබීමයි. අනෙක් වැදගත් දෙය බටහිර කාන්තා විමුක්තිවාදය තව දුරටත් ලෝකයේ ජනප්‍රිය  මතවාදයක් ලෙස ඉදිරියට නොයන බව ඔප්පු වීමයි. කාන්තා විමුක්ති සටන් පාඨ වලින් කොපමණ ට්‍රම්ප්ට බැට දුන්නත් හිතූ තරම් ඇමරිකානු කාන්තා චන්ද හිලරිට නොලැබීමෙන්ම එය පැහැදිලි වේ. ඇමරිකානු ජානාධිපතිවරණ ප්‍රතිඵලය උහුලා ගන්නට නොහැකිව ඉන් වඩා කුපිත වූයේ කාන්තාවිමුක්තිවාදී කණ්ඩායම්ය. ඩොනල්ඩ් ට්‍රම්ප් ජනාධිපති ධූරයේ දිවුරුම් දීමත් සමග ලොව පුරාම කාන්තා විමුක්තිවාදීන් ට්‍රම්ප් විරෝධී රැලි සංවිධානය කලේ එනිසයි. කෙසේ නමුත් දැන්නම් මේ ඊනියා කාතා විමුක්තිවාදීන්ට කරන්නට හැකි දෙයක් නැත. ඔවුන් මෙන්ම ඔවුන්ගේ මතවාදයන්දා ඉදිරියේදී පිළුනු වී කුනු කූඩයට යන ආකාරය කාටත් දැක බලා ගන්නට හැකි වනු ඇත.
                   
ඩොනල්ඩ් ට්‍රම්ප්ගේ දේශපාලනය ගැන අපට නිස්චිතව යමක් කීමට නොහැකි උනත් ඔහු හිලරි ක්ලින්ටන් මෙන් අපේ රටටත් ජාතියටත් අහිතකර දේ නොකරනු ඇති බව විශ්වාස කළ හැක. හිලරි ක්ලින්ටන් යම් විදිහකින් මේ ජනාධිපතිවරණය ජයගෙන තිබුණිනම් අපේ රටටත් ජාතිකත්වයටත් වෙන්නට තිබූ දේ හිතාගන්නටත් නොහැකි තරමේ විනාශකාරී එකකි. ජිනීවා මානවහිමිකම් පිල්ලිය වඩා වේගවත්ව ක්‍රියාත්මක වෙමින් අපේ රනවිරුවන්ගේ ජීවිත වලට තර්ජනය කරන අතරම දෙමළ ජාතිවාදය සැනසීමේ දේශපාලන අල්ලස ලබාදීමේ රනිල් සිරිසේන වැඩපිළිවෙල වඩා වේගවත් වීමට ඉඩ තිබුණි. එමෙන්ම මෙරට සමලිංගිකත්වය නීතිගත කරවීමේ බලහත්කාරී ක්‍රියාදාමයද දැනටත් වඩා ශක්තිමත්ව ඉදිරියට ඇදෙන්නට තිබිණි. බෙදුම්වාදී සුළුජන අන්තවාදී දේශපාලනය රාජ්‍ය නොවන සංවිධාන සමග යකා නටන්නට තිබුණේ මෙරට සිංහල බෞද්ධ ජාතිකත්වයට උපරිම ලෙස වින කරමින්ය. ඇමරිකාවේ වෙසෙන දෙමළ බෙදුම්වාදී කල්ලිය හිලරිගේ ජයග්‍රහනය වෙනුවෙන් ක්‍රියාකාරීව කටයුතු කර ඇත. ලංකාවේ සිවාජිලිංගම්ලා උතුරේ පොල් ගැසුවේත් හිලරි ක්ලින්ටන් දිනවීමටයි. අවසානයේ යුදෙවු නිරාගමික මතවාදී ආක්‍රමණිකයන්ගේ ජාත්‍යන්තර එකතුවට තදබල ප්‍රහාරයක් එල්ල කරමින් හිලරි විසි වී ට්‍රම්ප් ඇමරිකානු ජනාධිපති බවට පත් වූයේ සියල්ල උඩුයටිකුරු කරමිනි. දැන් දෙමළ ජාතිවාදීන්ට පන දුන් ලංකාවේ ජාතිකත්වයට එරෙහි බලවේග ඇමරිකාව තුල පසු බැස ඇත. නුදුරු අනාගතයේ එය අනෙකුත් බටහිර රටවලද සිදුවනු දැකීමට හැක. ජෝන් කෙරී, නිෂා බිස්වාල්, සමැන්තා පවර් යන මෑතක මෙරටට වින කළ දෙමළ ජාතිවාදයේ හිතවතුන් ඩොනල්ඩ් ට්‍රම්ප් විසින් ඇමරිකානු රාජ්‍යතන්ත්‍රය තුල ඔවුන් දැරූ සියළු ප්‍රභල තනතුරු වලින් ඉවත් කර කොන්සවේටිවු ක්‍රියාකාරීන්ගෙන් එම තනතුරු පුරවා ඇත. අනෙක් අතින් බලන විට ලොව පුර ජාතිකත්ව විරෝධී ව්‍යාධිජනක මතවාද වැපිරවීමට ඇමරිකානු මුදල් රාජ්‍ය නොවන සංවිධාන වලට නොලැබී යනු ඇත. ඒ තුලින් රාජ්‍ය නොවන සංවිධාන ජාලය අඩපන වීම ලොවට මෙන්ම අපේ රටේ ජාතිකත්වයටද හිතකර වනු ඇත. බ්‍රිතාන්‍ය යුරෝපා සංගමයෙන් ඉවත් වීමේ සිද්ධිය මෙන්ම ඩොනල්ඩ් ට්‍රම්ප් ඇමරිකානු ජනාධිපති වීමද ලොව පුරා ජාතිකත්වයන් පෙරට ඒමේ ප්‍රවණතාවය තවත් උත්තේජනය කරනු ඇත. ලංකාවේ ජාතික බලවේගද මේ තත්වයෙන් උපරිම ප්‍රයෝජන ගෙන  මේ ප්‍රවණතාවයට සමගාමීව කටයුතු කළ යුතුය. වඩා සිහිබුද්ධියෙන් තැනට සුදුසු දේ කළ හැකිනම් අපේ ජාතික බලවේග වලට වර්තමානයේ රටට පිල්ලියක් වී තිබෙන විජාතික බලවේගයේ දේශපාලනය කෙලවරක් කර රටත් ජාතියත් දිගු කාලීනව සුරක්ෂිත කිරීමට හැකි වනු ඇත.


විශේෂ ලියුම්කරු

Monday, September 19, 2016

තවත් වාද විවාද අනවශ්‍යයි, රට රැකුමට පෙරට එමු.

2015 ජනවාරි 8 ජාතිකත්ව කඳවුරෙන් විජාතික සතුරු කඳවුරට ආණ්ඩු බලය මාරු වීමත් සමග දෙස් විදෙස් විජාතික බලවේග මෙරට දෙමළ ජාතිවාදයද සමග අත්වැල් බැඳගනිමින් පියවරෙන් පියවර ඉදිරියට යමින් ජයග්‍රගනයන් ලබයි. ඒ අතර ජාතික බලවේග දිගින් දිගට පසුබසිමින් පරාජයේ මාවතක ගමන් කරයි. සියල්ල ඒ අයුරින් සිදු වෙද්දී ඒ ප්‍රධාන ගැටළුව රටවැසියාගෙන් වසන් කිරීමට විජාතික යහපාලන පිසාචයන් මහින්ද ඇතුළු රටේ ඒකීයභාවය හා ජාතිකත්වය රැකීමේ කණ්ඩායමේ සාමාජිකයන්ට විවිධ දුෂණ චෝදනා එල්ල කරමින් ඔවුන් මර්ධනය කර තමන් රටට සාධාරනය කිරීමට පැමිණි සුරදූතයන් ලෙස පෙනී සිටිති. මේ සුරදූතයන් ඔවුන්ගේ ආණ්ඩු පැවති අතීතයේ රටේ ජාතික ධනය කොල්ලකමින් හොර තක්කඩිකම් සියල්ලට අත්පොත් තැබූ ආකාරයත් ජනමතය තමන්ට එරෙහි වෙද්දී මැර බලයෙන් ආණ්ඩු කිරීමට ගිය ආකාරයත් කිසිවෙකුට අමතක යැයි සිතිය නොහැක.
                        

විජාතිකත්ව සතුරු කඳවුරේ නියෝජිත පොදු අපේක්ෂක සිරිසේන ජනපති වූ සැනින් විජාතික කඳවුරේ මෙරට නිල නායකයා වන රනිල් වික්‍රමසිංහ ව්‍යවස්ථාවටද පටහැනිව අගමැති ලෙස පත් කරගත්තේය. මේ කටයුතු වලින් පෙන්නුම් කළේ විජාතික බල කඳවුරේ ජාතිකත්ව විරෝධී පිපාසය සන්සිඳුවීමට තිබෙන හදිසියයි. එතැන්පටන් මෙරට සිංහල බෞද්ධ ජාතිකත්වයට එරෙහි දෙස් විදෙස් බලවේග වලට රජ මගුල්ය. දෙමළ ජාතිවාදයේ යුධ පෙරමුණ එල්ටීටීඊ ය යුධමය වශයෙන් පරාජය වූ පසු එහි මතවාදය ඉදිරියට ගෙනයන්නට ඉතිරි වු ටී.එන්.ඒ කල්ලි ප්‍රධානී සම්බන්ධන් විපක්ෂ නායක විය. ඇමරිකානු හා බ්‍රිතාන්‍ය නියෝජිතයන් මෙන්ම එක්සත් ජාතීන්ගේ සංවිධානයේ නියෝජිතයන් රටට පැමිණ පස්වනක් ප්‍රීතියෙන් සිරිසේන රනිල් ව්‍යාජ යහපාලන නඩයට සුභ පැතීය. ඒ සියළු ක්‍රියා වලින් පෙන්වූයේ විජාතික හතුරු කණ්ඩායම ලැබූ ජයග්‍රහනයත් සමග මහින්දගේ නායකත්වය නැතිවී බෙලහීන වෙමින් පසුබාන  ජාතිකත්වය දෙස අවඥ්ඥා සහගත ලෙස බලන විජාතික නියෝජිතයන්ගේ බලාපොරොත්තු සහගත බවයි. ඔවුන්ගේ අභිලාශයන් මොනවාද? මෙය ජාතිකත්වය හා විජාතිකත්වය අතර ගැටුමේ ස්වභාවයට සංවේදී කිසිවෙකුටත් අමුතුවෙන් උගන්වන්නට දෙයක් නොවේ. බටහිර අධිරාජ්‍ය උමතුව දෙවන ලෝක යුද්ධයෙන් පසුවට යුදෙවු අනාගමික මතවාදී හා සංස්කෘතික ආක්‍රමණය දක්වා පරිනාමිකව ඉදිරියට පැමිණ තිබුණි. ඒ බටහිරදී කතෝලික චින්තනය අභිබවා යුදෙවු චින්තනය ඉස්මතු වීම සමගයි.
                             

බටහිරත් යුදෙවු චින්තනය බලවත් වීම තුල නාස්තිකාර අධික පරිභෝජන රටාවකුත් ආත්මාර්ථකාමී සමාජයකුත් බිහි උනා පමණක් නොව ඒ තුලම ගොඩනැගුණු මාක්ස්වාදය ලිබරල්වාදය කාන්තා විමුක්තිය වැනි මතවාද ඒ රටවල් තුලම ජාතිකත්වයන් දුර්වල කර දේශපාලනයේද පෙරමුණ ගනිමින් ජාත්‍යන්තරවද ඒකාබද්ධතාවයක් ගොඩනගාගන්නට සමත් වී තිබේ. මෙවන් තත්වයක් තුල බටහිර පැරනි අධිරාජ්‍යවාදයද පසුකාලීනව ක්‍රියාත්මක උනේ යුදෙවු අනාගමික මතවාදී හා සංස්කෘතික ආක්‍රමණයක් ලෙසයි. ඊට පැරණි අධිරාජ්‍යවාදයේ යටත්විජිත ලෙස පැවති රටවල අධිරාජ්‍යගැත්තන් හා සේවකයන් ලෙස හදාවඩා සිටියවුන්ගේ සහයෝගය දැන් ලැබී තිබේ. බටහිර යුදෙවු අනාගමික මතවාදී හා සංස්කෘතික ආක්‍රමණිකයාගේ දකුණු ආසියාතික යුධ පෙරමුණ ලෙස කලක් තිස්සේ කටයුතු කළේ ලංකාවේ ආවේනික සිංහල බෞද්ධ ජාතිකත්වය මර්ධනය කිරීමේ අධිරාජ්‍ය වගකීමද ඉටුකරමින් සිටි කොටි සංවිධානයයි. යුදෙවු චින්තනය තුල බිහි වූ විවිධ මතවාද අනුගමනය කරන ජාත්‍යන්තර සංවිධාන වල මුදල් ආධාර ලබමින් ලොව පුරා ව්‍යාප්තව තිබෙන රාජ්‍ය නොවන සංවිධාන ජාලයද කරන්නේ අඬු විහිදුවාගෙන සිටින බූවල්ලෙකු මෙන් යුදෙවු  අනාගමික සංස්කෘතික මතවාදී ආක්‍රමණිකයාගේ භූමිකාවම වේ. ලංකාවේ ක්‍රියාත්මක වන රාජ්‍ය නොවන සංවිධාන ජාලය කොටි ත්‍රස්තවාදියාට තම නොමද සහය ලබා දීමට හේතුව කාටත් රහසක් නොවිය යුතුය.
                        
යුදෙවු අනාගමික මතවාදී සංස්කෘතික ආක්‍රමණිකයාගේ ආශිර්වාදයෙන් මෙරට සිංහල බෞද්ධ ජාතිකත්වයට වසර 30ක් තිස්සේ තර්ජනය කළ දෙමළ බෙදුම්වාදී කොටි ත්‍රස්තවාදය 2009 වසරේ මුළුමනින් පරාජයට පත් වුනේ මේරටට ආවේනික අනන්‍යතාවය යටපත් කරන බටහිර සංස්කෘතික ආක්‍රමණිකයාගේ බලාපොරොත්තුද සුන් කරමිනි. මෙරට ජාතික බලවේග එදා ලැබූ ජයග්‍රහනය වැලැක්වීමට බටහිර යුදෙවු අනාගමික මතවාදී සංස්කෘතික ආක්‍රමණිකයාගේ දේශීය ඒජන්තයා වූ රනිල් වික්‍රමසිංහගේ එක්සත් ජාතික පක්ෂයට නොහැකි විය. දෙමළ ජාතිවාදය පසුපස සිටිමින් ජාතිකත්වයට හදි හූනියම් කළ විජාතික බලවේග ගොන්න එතැන් සිට විවිධ උප්පරවැට්ටි යොදමින් මෙරට ජාතික බලවේග වලින් පලි ගැනීමට වලි කමින් සිටියේය. බොහෝ කලක් කල් මරමින් සිට විජාතික සතුරු කඳවුර ඊට අවස්ථාව උදා කර ගත්තේ 2015 ජනවාරි 8 යහපාලන සළුපිලි අන්දවා කරලියට ගෙනා විජාතික පොදු අපේක්ෂකයා ජනපති ලෙස පත් කරගනිමිනි. ජාතිකත්වය ලද පරාජයේ භයානකකම ගැන වැටහීමක් බල පෙරලිය සිදු වූ කල මහින්දටත් මහින්ද පිලේ සෙසු සාමාජිකයන්ටත් නොතිබුණිද? එදා සිට මහින්ද පිල පසුබෑ ආකාරය දෙස බලන විට මේ අය ඔවුන් පොදු ජාතික අරමුණු වෙනුවෙන් වගකීමෙන් යුතුව ඒකරාශී වුනාදැයි සැකයක් ඇත්තටම ඇතිවේ. මහින්ද රාජපක්ෂ මහතා ඉන් පසුවටත් වෙනම සන්ධානයක් ගොඩනගාගනිමින් ඉදිරි මහ මැතිවරණයට නොගියේ ශ්‍රී ලංකා නිදහස් පක්ෂය රැකීමට මුල් තැන දෙමිනි. එතැනදී මහින්ද රාජපක්ෂ මහතා සිරිසේනගේ චාටු බසට රැවටුනේ තම දේශපාලන ප්‍රතිරූපය ප්‍රයෝජනයට ගෙන මැතිවරනයෙන් වැඩි මනාප ගත් පසු තම සාමාජිකයන් ලෙස සිටියවුන්ට සිරිසේනගේ ඔඩොක්කුවට පැනීමටද අවස්ථාව උදා කරමිනි.  එයින් ජාතික බලවේග තවත් අපහසුතාවයට පත් වුනේ එක් පැත්තකින් දෑහිතකාමී අවංක පුද්ගලයන් නව බලවේගයකින් පාර්ලිමෙන්තුවට පත්කරගැනීමට තිබූ අවස්ථාවද ගිලිහී යෑමෙනි.
                              

                             
විජාතික බලවේග වල නියෝජිත සිරිසේන විසින් ව්‍යවස්ථාවටද පිටින් රනිල් වික්‍රමසිංහ අගමැති කර ශ්‍රී ලංකා නිදහස් පක්ෂ නිවටයන් පිරිසක්ද සමග ඇටවූ තාවකාලික එක්සත් ජාතික පක්ෂ ආණ්ඩුව ඒ වන විටත් සුළුතර කණ්ඩායම විය. එහෙත් විජාතික කල්ලිය සූක්ෂමව මේ සුළුතරය කලමනාකරණය කොට රටේ බහුතර ජනමතයද යට කරමින් ජාතිකත්වයට සියළු කොඩිවින කිරීමට සමත් විය. ප්‍රශ්නය නම් ජන බලය විජාතික ආක්‍රමණයට එරෙහිව ජාතිකත්වය පැත්තේ තිබියදීත් එය එසේ වූයේ කෙසේද යන්නයි. පාර්ලිමෙන්තුව තුලද බහුතරයක් තිබියදීත් මහින්ද රාජපක්ෂ පිල පක්ෂ රාමුවෙන් ඔබ්බට ගොස් ජාතිකත්වය ජයග්‍රහනය කරවීමේ පොදු ජාතික අරමුණක් වෙනුවෙන් කොන්දේසි විරහිතව එක් වීමට අපොහොසත් විය. අඩු තරමින් සරත් ෆොන්සේකා මහතා පාර්ලිමෙන්තුවට තේරී පත් වූ අවස්ථාවේ රනිල් වික්‍රමසිංහව කෙසේ හෝ කඩිමුඩියේ විපක්ෂ නායක කිරීමට තිබූ උවමනාවවත් රාජපක්ෂ මහතාගේ පරාජයෙන් පසු දිනේෂ් ගුණවර්ධන මහතා විපක්ෂ නායක කිරීමට එවකට කථානායක වූ චමල් රාජපක්ෂ මහතාට නොතිබුණි. ඒවන විට බහුතරයක් හිමි විපක්ෂයේ සිටි සමහරුන්ට විධායක ජනාධිපති ධූරය ගැන ගැටළු තියෙන්නට ඇත, තවත් අයට මැතිවරන ක්‍රමය ගැන ගැටළු තිබෙන්නට ඇත, තවත් අය ස්වාධීන කොමිසන් වලට පක්ෂ වන්නට ඇත, මේ විසිරුනු කාරනා මත පිහිටා එදා සම්මත කරගත් 18,19 ව්‍යවස්ථා සංශෝධන නියත වශයෙන් පරාජය කළයුතුව තිබූ ඒවා විය. එහෙත් මේ යෝජනා සම්මත කෙරුනු පසු මහින්ද පිලද කියා සිටියේ කලින් ගෙනා යෝජනා වලට සංශෝධන ඇතුලත් වූ නිසා එයින් හානියක් නැති බවයි. එහෙත් විජාතික ගැති රනිල් වික්‍රමසිංහට අගමැති ලෙස බලතල යම් ප්‍රමාණයක් ලැබීම, මුළු පාර්ලිමෙන්තුව ව්‍යවස්ථා සම්පාදක මණ්ඩලයක් ලෙස සැලකීම ආදියේ ආදිනව කිසිවෙක් දැක්කේ නැත. දැන් එක් අතකට අත්විඳින්නේ ඒවායේ ප්‍රතිඵලයි. වික්‍රමසිංහගේ විජාතික කල්ලියේ උපක්‍රමයද මේ වන විට රටට අහිතකර යෝජනා බුරුතු පිටින් එබූ ව්‍යවස්ථාවක් මුලින් කෙටුම්පත් කර ජාතික බලවේග හා ජනතාව රැවටීමට ඊට සුළු සංශෝධන ඇතුල් කරමින් ඔවුන්ට අවශ්‍ය මූලික දේ කොලේ වසා සම්මත කර ගැනීමයි.
                        
මේ සියළු සිද්ධි හමුවේ දෙමළ මුස්ලිම් සුළුතර අන්තවාදී කණ්ඩායම් තම බෙදුම්වාදී පිපාසය සන්සිඳුවා ගැනීමට දැඩි වෙහෙසක් දරයි. ඔවුන් තමන්ට ලැබුණු අවස්ථාවෙන් උපරිම ප්‍රයෝජන ගන්නවා විනා ඊට පයින් ගසා සිංහල බෞද්ධ බලවේග වල ඉදිරියට පැමිණීමක් කිසිවිට බලාපොරොත්තු නොවෙති. විජාතික නියෝජිත සිරිසේන ජයගත් දිනයේ පටන් රට තුල සිටින සිය නියෝජිතයන් හමු වීමටත් සම්බන්ධතා අළුත් කරගැනීමටත් ජාතියට තර්ජනය කිරීමටත් රටින් පිටත සිටින විජාතික සතුරු කඳවුරේ ප්‍රභලයින් කටයුතු කළේය. ඉන්දීය අගමැතිවරයාද දැඩි උද්‍යෝගයකින් කල දුටු කල වල ඉහගැනීමේ න්‍යාය අනුව දෙමළ ජාතිවාදියා සමග ගනුදෙනු ඉදිරියට කරගෙන යනු පෙනේ. මහබැංකුවට දැරිය නොහැකි අලාභයක් උවමනාවෙන් කළ රනිල් රටට විජාතික කොන්දේසි වලින් තොරව ආදායම් එන සියළු මාර්ග අවහිර කිරීමට සිරිසේන සමග කටයුතු කළේ සැලසුමකට නොවේ යැයි තවදුරටත් සිතිය නොහැක. එමෙන්ම උතුරු නැගෙනහිර අතිශය වැදගත් ආරක්ෂක මධ්‍යස්ථාන වලින් පවා හමුදා කඳවුරු ඉවත් කර දෙමළ සන්ධානය සතුටු කිරීමට ගියේත් දෙමළ ජාතිවාදීන්ගේ ස්වාමිවරුන් වන බ්‍රිතාන්‍යයන් ලවා හමුදාව ප්‍රතිසංවිධානය කරන්නට සැලසුම් කළේත් ආරක්ෂක අංශ මානසිකව වට්ටවා සාලාව අවි ගබඩාව පුපුරන තැනට කටයුතු කර අවි බලයද දුර්වල කළේත් සැලැස්මක් අනුව නොවේදැයි සිතන්නට දැන්වත් අප විචාරශීලී විය යුතුය. උතුරේ දෙමළ ජාතිවාදියාටත් සුන්නි මුස්ලිම් ආක්‍රමණිකයාටත් ආර්ථික ප්‍රශ්න වැඩකට නැත. ඔවුන් මුල් තැනක් දෙන්නේ සිංහල බෞද්ධ ජාතිකත්වය යටපත් කිරීමේ වැඩපිළිවෙලකින් තම බෙදුමාවාදී අරමුණුද ඉටු කර ගැනීමටයි. වසර 30ක් තිස්සේ උතුරේ ජනතාව පීඩාවට පත් කළ ප්‍රභාකරන් උතුරේ දෙමළ සන්ධානයටත් එහි අනුගාමිකයින්ටත් ඊට චන්දය දෙන දෙමළ ජනයාටත් වීරයෙක් බව අප සිහි තබා ගත යුතුය. විල්පත්තු කැලයේ කිසිදු පොදු පහසුකමක් නැති බවත් එසේ වුවද ඒ තුල රිංගාගෙන ආක්‍රමණය සිදු කිරීමට බදුඩීන් අන්තවාදියා සමග  මුස්ලිමුන් පිරිසක් සිටින බවත් අප තරයේ සිහියට ගතයුතු අනෙක් කාරනයයි. වසර 30ක් තිස්සේ කිසිදු සහනයක් උතුරේ දෙමළ ජනයාට නොදී ඔවුන්ගෙන් බහුතරයක සහය ඇතිව ප්‍රභාකරන්ට ඊලාම් සටන මෙහෙයවන්නට හැකි උනානම් සිංහල ජනතාව එලෙස පීඩාවට පත් නොකර සතුරා තීරනාත්මකව පරදවා ලැබූ ජාතික ජයග්‍රහනය තව දුරටත් රැකගැනීම වෙනුවෙන් යම් කැප කිරීමක් කරන්නට අපට බැරිද?
                              
 
  මේ වන විට මහින්ද රාජපක්ෂ මහතාගෙන් රටත් ජාතියත් ඉල්ලන්නේ ජාතික බලවේග වලට නායකත්වයක් මිස ශ්‍රී ලංකා නිදහස් පක්ෂයක් රැකීම නොවේ. මහින්ද දැන් කිව යුත්තේ " මට වඩා ශ්‍රී ලංකා කාරයෙක් කොහෙද " වැනි කතා නොව පක්ෂ පාට පසෙක තබා සටන් කර රැකගත් රට විජාතික බලවේග වලට යලි පාවා දීමට එරෙහි ජාතික සටනට එක් වන්න වැනි සටන් පාඨයි. දැන් රටට සැබවින් අවශ්‍ය වන්නේ බටහිර රටවල්ද ලෙඩ කළ ව්‍යාධිජනක මතවාද කරපින්නා ගත්තවුන්ගෙන් සමන්විත හුදෙක් රජයට එරෙහි දේශපාලන බලවේගයක් නොව ජාතික මතවාද පෙරට ගත් ජාතික බලවේග වල සන්ධානයකි. මහින්ද පිලේ සිටින එක් එක් කණ්ඩායම් වල වෙන් වෙන් වූ න්‍යාය පත්‍ර අනුව විධායක ජනාධිපති ක්‍රමය අහෝසි කිරීම, මැතිවරන ක්‍රමය වෙනස් කිරීම, ආදිය මේ අවස්ථාවේ ප්‍රධාන සටන් පාඨ නොවිය යුතුය. මේ සටන් පාඨ මුල් කරගතහොත් එයින්ද යහපාලන විජාතික කල්ලිය ප්‍රයෝජන ගෙන දෙමළ ජාතිවාදයට දොල පිදේනි දීමට හැකි පරිදි සංශෝධන ගෙන ඒමට ඉඩ තිබේ. කවුරු කෙසේ කීවත් විධායක ජනාධිපති ක්‍රමය අපේ රටට වඩා යෝග්‍ය බව ඔප්පු වී හමාරය. එය ජේ ආර් ජයවර්ධන ජනාධිපතිවරයා විසින් ගෙන ආ කාරනය මත ඊට එරෙහි වන්නට නොහැක. ජේ ආර් ජයවර්ධන මහතා ඉන්දියානු බලපෑමට යටත්ව රටට අහිතකර දේ කළත් ඔහුට ඒ කිසිවක් කිරීමට සැබෑ උවමනාවක් තිබුණේ යැයි සිතිය නොහැක. නව ජාතික සන්ධානයක් පිහිටුවීමේදී යූඇන්පී ශ්‍රී ලංකා සටන් පාඨ වැඩක් නැත අවශ්‍ය ජාතියක් ලෙස ඒකාබද්ධතාවයක් පොදු ජාතික අරමුණු වෙනුවෙන් ඇති කිරීමයි. එහිදී එක්සත් ජාතික පක්ෂයේ හිටපු නායකයන් දෙමළ ජාතිවාදය හමුවේ ක්‍රියා කළ ආකාරයත් ඔවුන් කිසි විට රටේ ඒකීය භාවයට පිටින් හිතුවක්කාර බලය බෙදීම් වලට නොගිය අයුරුත් දැන් රනිල් වික්‍රමසිංහ දෙමළ ජාතිවාදයට කප්පන් දීමේ ප්‍රතිපත්තියක් ජාතිකත්වය පිටින් ගොස් අනුගමනය කරන හැටිත් එක්සත් ජාතික පාක්ෂිකයන්ට තේරුම් කර දීමද ජාතික බලවේග වල නායකයන් කළ යුතුය. පක්ෂ දේශපාලනයෙන් එකිනෙකා ඇන කොටා ගැනීමට වඩා රනිල් චන්ද්‍රිකා සිරිසේන රාජිත කල්ලියට එරෙහිව රටට ජාතියට හිතැති සියළු දෙනා එක් පිලකට ගැනීමට ජාතික බලවේග වල නායකයින් පියවර ගත යුතුයි. විජාතික උවමනා එපාකම් මත ගෙන එන්නට යන දෙමළ ජාතිවාදයට කප්පන් දෙන සමලිංගිකත්වයට පිළිගැනීමක් ඇතිකරන හොර ව්‍යවස්ථාව කෙසේ හෝ පරාජය කිරීමට පාර්ලිමෙන්තුව තුලත් ඉන් පිටතත් රටට හිතැති බලවේග එක්ව කටයුතු කළ යුතුය. ඒ සඳහා අවශ්‍ය නීතිමය හා අධිකරනමය ක්‍රියාමාර්ග නිසි ලෙස කලට වේලාවට කිරීමට දැන් සිට අවශ්‍ය පසුබිම සැකසිය යුතුය. කවර හෝ හේතුවක් නිසා හොර පාරෙන් සම්මත කිරීමට යහපාලන පිසාචයන් කටයුතු කරන්නට ගියහොත් ඊට එරෙහිව දැවැන්ත ප්‍රතිරෝධයක් ගොඩනැගීමට අවශ්‍ය ජන බලවේගය දැන් සිට සූදානම් කළ යුතු වේ. ප්‍රමාද වුනොත් සිදුවන්නේ නැවත අති විශාල ලේ වැගිරීම් මතින් ජාතික නිදහස් සටනක් ක්‍රියාත්මක කිරීමටය. එතැනට තල්ලු වීමට පෙර අප සිහි බුද්ධියෙන් තැනට සුදුසු දේ නිසි කලට කිරීම වැදගත් වේ.
විශේෂ ලියුම්කරු

Wednesday, August 17, 2016

විජාතික කපටි සූත්තර සහ ජාතියේ පසුබෑම.

2015 ජනවාරි 8න් පසු මෙරට ආණ්ඩු බලය නැවත විජාතික නියෝජිතයින් අතට පත්වීම හැර වෙනත් දෙයක් සිදුවී නැත. මේ වංචනික ක්‍රියාව වසන් කළේ යහපාලනය නම් කඩතුරාවෙනි. මහින්ද රාජපක්ෂ මහතාගේ රජයේ විජාතික ඉත්තන් නොසිටියාමයි කියා අප කියන්නේද නැත. ආණ්ඩු බල පෙරලිය ගැන කෙටියෙන් සඳහන් කළේ පෙර පරිදියි. මේ බල පෙරලියෙන් පසුවටත් ජාතිකත්වය පැත්තේ සිටි මහින්ද පිල පසුබෑම් වලට ලක් වූවා මිස ස්ථානෝචිත ප්‍රඥ්ඥාවෙන් කටයුතු කළ බවක් නොපෙනේ. මහින්ද පිලේ සිටි  විවිධ පුද්ගලයන්ට විවිධ අරමුණු තිබුණා විය හැකියි. නමුත් සියල්ලන්ට පොදුවේ ජාතික අරමුණු වලට ප්‍රමුඛත්වය දීමේ හැකියාවක් නොතිබුණා කිව නොහැක. මේ වන විට අතුරුදහන් වූවන් සෙවීමේ මෙහෙයුම් විජාතික පනත සම්මත වී හමාරය. එහි භයානක කමේ වපසරිය විස්තර කිරීමට තවත් කාලය නාස්ති කළ යුතු නොවන්නේ එය මේ වන විටත් විවිධ පාර්ශව විසින් රටට හෙලි කර තිබීම නිසයි. දැන් එහි අරමුණු මොනවාද යන්නවත් ඒ පසුපස සිටින්නන් කවුද යන්නවත් අමුතුවෙන් කියන්නට දෙයක් නැත. මේ ජාතිකත්ව විරෝධී පනත සම්මත වීමත් සමග ප්‍රීති ප්‍රමෝදයට පත් වූයේ පහුගිය වසරේ ජනවාරි 8 විජාතික නියෝජිතයා අතට ආණ්ඩු බලය ලබාදීමට ඇප කැප වූ මෙරට හා රටින් පිටත බලවේග එකතුවයි.
                     

මෙපමණ ජයග්‍රාහී පිම්මක් විජාතික බලවේග විසින් පනින තෙක් ජාතිකත්ව පිල පසු බැස්සේ කෙසේද. ඊට හේතු විවිධාකාරවේ. අතුරුදන් වූවන් සෙවීමෙ පනත දේශපාලන බඩගෝස්තරවාදී නිල් කොළ රතු පාවාදීමේ ඔස්තාර්ලා ලවා හොර පාරෙන් සම්මත කර තිබෙන්නේ ඒ ගැන හරි හැටි විවාදයක් හෝ නොපවත්වායි. රනිල් වික්‍රමසිංහ සියළු මෙහෙයුම් අවසානයේ මහත් උජාරුවෙන් කියා සිටින්නේ මෙය කල්තියා කිසිවෙකු විසින් අධිකරණය ඉදිරියේ අභියෝගයට ලක් කර නොතිබුණු බවකි. මෙහිදී එම කටයුත්ත ඒකාබද්ධ විපක්ෂයට මගහැරුනේ කෙසේද යන්නත් ගැටළුවකි. මේ ගැන කල්තියා දැනගෙන තිබුණු අවස්ථාවකත් එය අධිකරණය ඉදිරියේ අභියෝගයට ලක්කළ යුතුය යන කාරනය පිළිබඳව නිසි සංවේදී බවකින් ඒකබද්ධ විපක්ෂය කටයුතු කර නොතිබෙන්නේනම් එය බරපතල වරදකි. ඒකාබද්ධ විපක්ෂයේ නීති උපදෙස් කරුවන් නීතීඥ්ඥයන් කොහේ සිටියේද? මහින්ද රාජපක්ෂ මහතාද නීති විශාරදයෙකි. කෙසේ වෙතත් සියළු ඔස්තාර්ලාටත් අනෙකුත් ජාතික සංවිධාන වලටත් දැන් අත්‍යවශ්‍ය ජාතික කටයුත්තක් මගහැරී ජාතිකත්ව පිළ තවත් අසීරු අඩියකට වැටී ඇත. ඒ අතුරුදහන් වූවන් සෙවීමේ මෙහෙයුම කෙරෙන ආකාරය පිළිබඳ සියළු නිර්නායන් රාජ්‍ය නොවන සංවිධාන පිටස්තර විජාතික කණ්ඩායම් හා දෙමළ ජාතිවාදීන්ට අවශ්‍ය ආකාරයට විජාතික හොර පනතෙන් තීන්දු කර තිබීම හරහාය.
                                 
දැන් කොලේ වසා රටට බොරු කියන රනිල් සිරිසේන ප්‍රමුඛ යහපාළු පිසාච රැල පෙන්වීමට යන්නේ මෙය 88/89 කාලයේ එවකට පැවති එක්සත් ජාතික පක්ෂ රජය විසින් අතුරුදහන් කරවූවන් ගැන සෙවීමටද මේ පනත ඉවහල් වන බැවින් මෙය ඉතා යහපත් එකක් බවයි. එහෙත් ඇත්ත කතාව වන්නේ කොටි ත්‍රස්තවාදය පරාජය කිරීමේ මෙහෙයුම බටහිර බලපෑම් වලට නොබියව ඉදිරියට ගෙනගොස් ජයග්‍රාහී ලෙස අවසන් කළ රනවිරුවන්ට හා නායකයන්ට දඬුවම් කිරීම මෙහි යටි අරමුණ බවයි. ප්‍රභාකරන් බේරාගැනීමට නොහැකිව වියරු වැටුනු දෙමළ ජාතිවාදීන්ගේ බටහිර ස්වාමිවරුන් ඔවුන්ගේ වත්මන් නියෝජිතයින් වන රනිල් සිරිසේන දෙපල යොදාගෙන කොටි ත්‍රස්තවාදය පැරදවූ මෙහෙයුමේ රනවිරුවන්ගෙන් හා නායකයින්ගෙන් පලිගැනීමට ගැසූ ගැටය මෙයයි. රනිල් එක්ක නිදිවදින්නට ගිය රතු අලි නායක අනුර කුමාර ජනතාව රැවටීමට කියා සිටියේද සිරිසේනගේ කතාවමය. එනම් 88/89 කාලයේ ජනතා විමුක්ති පෙරමුණේ අතුරුදහන් වූවන් ගැන සෙවීමද මේ පනත හරහා කරගත හැකි බැවින් එය ඉතා හොඳ එකක් බවයි. එහෙත් මෙතැන තවත් ගැටළුවක් තිබේ. එනම් 88/89 කාලය තුල ජනතා විමුක්ති පෙරමුණ මර්ධනය කළ එක්සත් ජාතික පක්ෂ රජයේ එවකට මර්ධනකාරී මෙහෙයුම් වල ප්‍රධාන චරිතයක් වූ බටලන්දේ වධකාගාරයකද වැඩකටයුතු මෙහෙයවන ලද රනිල් වික්‍රමසිංහ මෙදා මේ පනත හොරෙන් හා බලහත්කාරයෙන් සම්මත කිරීමට පියවර ගත් ප්‍රධාන චරිතයද වීමයි. එලෙස බලන කළ ජනතා විමුක්ති පෙරමුණේ අතුරුදහන් වූවන් ගැන සෙවීමට ගියහොත් රනිල් ඇතුළු තවත් එක්සත් ජාතික පක්ෂ දේශපාලුවන් ගනනාවක්ම ඊට වග උත්තරකරුවන් හා වැරදි කරුවන් වීම අනිවාර්ය වේ. දැන් මේ පනත ක්‍රියාත්මක කිරීමට වලි කෑ රනිල් ඇතුළු එක්සත් ජාතික පක්ෂ තක්කඩින් මේ පනතින් වරදකරුවන් වීමට බලාපොරොත්තු වෙයිද? එසේ සිතිය හැක්කේ එක්සත් ජාතික පක්ෂයේ ඉතිහාසය හා පැටිකිරිය නොදත් ලදරුවෙකුට හෝ මන්දබුද්ධිකයෙකුට පමණි.
                          
තවත් මේ ජාතිකත්ව විරෝධී පනත ගැන රනිල් සිරිසේන ප්‍රමුඛ යහපාලන පිසාච රැලත් දෙපිටකාට්ටු රතු අලි රැලත් කියන බේගල් විශ්වාශ කිරීමට අප මන්දබුද්ධිකයන් විය යුතු නොවේ. අතුරුදහන් වූවන් ගැන සෙවීමේ කොමිසමක් හරහා 88/89 කාලයේ අතුරුදහන් කලවුන්ට සාධාරනය ඉටු කිරීමට රනිල්ටත් එක්සත් ජාතික පක්ෂයටත් මෙතරම් තදියමක් ඇත්නම් මීට කලින්ම ඔය ටික කරන්නට තිබුණි. ඇරත් උතුරේ හමුදා මෙහෙයුම් වලින් අතුරුදහන් වූවන් සිටීනම් සුදු වෑන් වල ගෙනගිය අය ඇත්නම් ඒ අය වෙනුවෙන් සාධාරනය ඉටු කිරීමට පිටස්තර බලවේග ගාවා නොගෙන රටේ අධිකරණ පද්ධතිය තුලින් ඒ ගැටළුවට පිළිතුරු සොයා ගැනීමට ඕනෑ තරම් අවස්ථාව තිබේ. මේ සිදුවන්නේ අන් කිසිවක් නොව 2015 ජනවාරි 8 වනදා සිට දෙමළ ජාතිවාදය නැගිට්ටවා සිංහල බෞද්ධ ජාතිකත්වය ඇදවැට්ටවීමේ විජාතික මෙහෙයුමේ එක් පියවරක් ඉදිරියට යෑම පමණි. පහුගිය වසරේ විජාතික බලවේග අතට ආණ්ඩු බලය මාරු වූ දා සිට ජාතිකත්වය නියෝජනය කළ මහින්ද පිල පසුබෑවා මිස නිසි කලට වේලාවට කලයුතු බොහෝ දේ කිරීමට නොහැකි විය 18 වන හා 19 වන ව්‍යවස්ථා සංශෝධන නියත ලෙස පරාජය කළ යුතුව තිබූ ඒවා විය. එහෙත් ඒ වන විටත් විපක්ෂයට වැඩි ආසන ගනනක් තිබියදීත් මේ සැලසුම්සහගත සංශෝධන පරාජය කිරීමට සංධානයට නොහැකි විය. දැන් තවත් භයානක හොර පනත් බලහත්කාරයෙන් සම්මත් කරගන්නේත් මේ සැලසුම් වල එක් පියවරක් ලෙසයි. ඒකාබද්ධ විපක්ෂය තවත් ලතවෙවී නොසිට දැන්මම මේ විජාතික පනතට එරෙහිව ගත හැකි පියවර කුමක්දැයි සොයා බැලිය යුතුය. මේ යන විදිහට ෆෙඩරල් හොර ව්‍යවස්ථාවද මේ ආකාරයෙන්ම සම්මත කරගැනීමට විජාතික නියෝජිතයින්ට හා බඩගෝස්තරවාදී පාවාදීමේ ඔස්තාර්ලාට හැකියාව තිබේ. එවැන්නක් සිදු වීමට පෙර ගත හැකි ක්‍රියාමාර්ග ගැන ඒකාබද්ධ විපක්ෂය දැන් සිට සැල්කිලිමත් විය යුතුය. තැනට සුදුසු ලෙස ක්‍රියාත්මක වීම අතපසු වී විදෙස් ආක්‍රමණය රට තුලටම පැමිණියහොත් තත්වය දරුණු අතට හැරේ. එබැවින් මහින්ද ඇතුළු ඒකාබද්ධ විපක්ෂයේ නායකයින් මාක්ස්වාදී වාමාංශිකයින්ගේ කේවට්ට උපදෙස් නොතකා ඉදිරියේදී ගෙනෙන හොර ව්‍යවස්ථාව ඇතුළු සියළු පනත් පරාජය කිරීමට අවශ්‍ය නීතිමය පසුබිමත් ඕනෑම තීරනාත්මක මොහොතක ක්‍රියාත්මක වීමට අවශ්‍ය දැවැන්ත ජනතා පවුරත් දැන් සිට ගොඩනගා ගැනීම කළ යුතුය. ප්‍රමාද වී පසුතැවෙන්නට ජාතියට නොහැකිය.


විශේෂ ලියුම්කරු